ოთარ ჭილაძის 80 წლისთავთან დაკავშირებით, გოგი ხარაბაძის ახალი აუდიო წიგნის პრეზენტაცია გაიმართება

ქართველი კლასიკოსის, მწერლის, პოეტისა და საზოგადო მოღვაწის, ოთარ ჭილაძის 80 წლისთავთან დაკავშირებით, გოგი ხარაბაძის ახალი აუდიო წიგნის – "ოთარ ჭილაძის პოეზიის" პრეზენტაცია გაიმართება.

გოგი ხარაბაძე ჭილაძის შემოქმედების წარმოჩენის ექსკლუზიურ უფლებას ფლობდა, გარდა ამისა, მათ ახლო მეგობრობა აკავშირებდათ.

ახალი აუდიო წიგნი შედგება ორი დისკისგან - რჩეული ლექსები და პოემა "სინათლის წელიწადი".

პრეზენტაცია დღეს, "წიგნის სახლში ბახტრიონზე" გაიმართება (მისამართი: ბახტრიონის #11ა) და 15.00 საათზე დაიწყება.