სამეგრელო-ზემო სვანეთის სამხარეო პოლიცია მაკა კოდუას ბრალდებებს პასუხობს

სამეგრელო-ზემო სვანეთის სამხარეო პოლიცია მაკა კოდუას ბრალდებებს პასუხობს. სამეგრელო-ზემო სვანეთის სამხარეო პოლიციის უბნის ინსპექტორების სამმართველოს უფროსის, კობა კირთაძის განცხადებით , ვიტალი კოდუას სახლის შემოწმებისას არანაირ უკანონობას ადგილი არ ჰქონდა. მისი თქმით, მათ ოპერატიული ინფორმაცია გადაამოწმეს იმის თაობაზე, თითქოს ძებნილი კოხტა კოდუა თავისი ნათესავის, ვიტალი კოდუას სახლში იმყოფებოდა. თუმცა, გადამოწმების შემდეგ, კოხტა კოდუა ადგილზე არ აღმოჩნდა, რაზეც ოქმი შედგა.

როგორც კირთაძე აცხადებს, ისინი 2000 წლის შს მინისტრის ბრძანების საფუძველზე მოქმედებდნენ. მისი განმარტებით, ეს ბრძანება ამჟამადაც არის მოქმედი, მასში არანაირი ცვლილება არ განხორციელებულა და მათ კანონით ჰქონდათ აღნიშნული ღონისძიების ჩატარების უფლება.

დღეს, ზუგდიდში, "დემოკრატიული ჩართულობის ცენტრში" სამეგრელო-ზემო სვანეთის სამხარეო პოლიციის უფროსის ყოფილი მოადგილის, კოხტა კოდუას ნათესავმა მაკა კოდუამ პრესკონფერენცია გამართა.

როგორც მაკა კოდუა აცხადებს, მასთან 6 აპრილს ზუგდიდის პოლიციის სამმართველოს წარმომადგნელები მივიდნენ და მის სახლში ჩხრეკა ჩაატარეს. მაკა კოდუას თქმით, იყო გარკვეული ფსიქოლოგიური ზეწოლა, გარდა ამისა, სახლიდან წაიღეს კოხტა კოდუას ფოტოსურათი.

როგორც მაკა კოდუა ირწმუნება, მან პოლიციელებს სთხოვა, წარმოედგინათ რაიმე სახის დოკუმენტაცია, თუმცა პოლიციელებმა განუცხადეს, რომ კოხტა კოდუა წითელი რიცკულარით იძებნება და მათ უფლება აქვთ გაჩხრიკონ ყველა ის სავარაუდო სახლი, სადაც შეიძლება იმალებოდეს აღნიშნული პიროვნება.

მაკა კოდუა აცხადებს, რომ ამის შესახებ პარლამენტის უმცირესობის წევრს ჩიორა თაქთაქიშვილს შეატყობინა. თუმცა, მან უარყო ჩიორა თაქთაქიშვილის ინფორმაცია, რომ ეს ზეწოლა კოდუების ოჯახზე განხორციელდა იმის გამო, რომ მაკა კოდუა 19 აპრილის აქციაზე დასასწრებად ხალხს აგროვებდა. მაკა კოდუა აცხადებს, რომ მსგავს ფაქტს ადგილი არ ჰქონია და არ აგროვებს ადამიანებს, რათა ისინი 19 აპრილს დაგეგმილ აქციაზე წავიდნენ.

მაკა კოდუა შს სამინისტროსგან ინფორმაციას მოითხოვს, თუ ვინ გასცა ბრძანება სახლში ჩხრეკის ჩატარებაზე

კოხტა კოდუა ადამიანების წამებასა და სამსახურებრივი უფლებამოსილების გადამეტების ბრალდებით იძებნება.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
ინოვაციური მომსახურება სამშენებლო სფეროში
მერაბ ჭიქაშვილი - "ხელისუფლებამ უნდა გაიგოს, რომ "ნაციონალური მოძრაობის" რეანიმაცია და გადარჩენა არ მოხდება!" (R)
თომა ხაბეიშვილი - "პატრიოტთა ალიანსი" პირველი პარტიაა, რომელიც  გამარჯვებისკენ სწორი ხედვებით მიისწრაფვის!" (R)
არჩილ ბენიძე - "ამომრჩეველზე სხვადასხვა სახის ფსიქოლოგიური ზეწოლა მიმდინარეობს!" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)
ლიბერთი #გულით და Lingwing-ის ერთობლივი პროექტი
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის