"საქართველოს ბანკის" Express Card-ით თითო გადახდაზე მომხმარებელს საჩუქრად 10 Express ქულა დაერიცხება

სავაჭრო ობიექტებში "საქართველოს ბანკის" Express Card-ით გადახდისას, თითო გადახდაზე მომხმარებელს საჩუქრად 10 Express ქულა დაერიცხება.

როგორც "ინტერპრესნიუსს" ბანკიდან აცნობეს, "საქართველოს ბანკი" Express Card-ის მომხმარებელს ორმაგ სარგებელს აძლევს – გადაიხადოს ყველაზე სწრაფი და მოსახერხებელი გზით და ამავდროულად, მიიღოს საჩუქრად 10 Express ქულა.

"დაგროვილი Express ქულებით, მომხმარებელი შეძლებს, შეავსოს მობილურის ბალანსი, ასევე გადაცვალოს Express ქულები კომუნალური მომსახურების, სახლის ტელეფონის, საკაბელო ტელევიზიისა თუ ინტერნეტის ბალანსში და ტრანსპორტით უფასო მგზავრობაში. Express ქულების დარიცხვა არ ხდება ბარათის ტრანსპორტში გამოყენებისას და ბარათით ბანკომატიდან თანხის გამოტანისას. "საქართველოს ბანკის" Express Card-ის ანგარიშის შესავსებად არ არის საჭირო ბანკის სერვისცენტრში მისვლა. Express Card-ის ბალანსის შევსება მარტივადაა შესაძლებელი "საქართველოს ბანკის" 759 Express pay-ის თვითმომსახურების აპარატით. Express Card-ით გადახდა შესაძლებელია უბნის მაღაზიაში, სუპერმარკეტში, აფთიაქში, ბენზინგასამართ სადგურზე, კაფესა და სხვა სავაჭრო ობიექტებში, ასევე საზოგადოებრივ ტრანსპორტში. Express Card-ით სავაჭრო ობიექტებში ყოველი გადახდისას მომხმარებელს 10 Express ქულა ავტომატურად ერიცხება. Express ქულების დარიცხვა არ არის დამოკიდებული დახარჯული თანხის ოდენობაზე, ქულების დარიცხვა ხდება ნებისმიერი მოცულობის გადახდაზე", - აცხადებენ "საქართველოს ბანკში".

გარდა ამისა, ყველა, ვინც 30 ივნისამდე "საქართველოს ბანკის" ნებისმიერ სერვისცენტრში აიღებს Express Card-ს, პირველი ერთი წლის განმავლობაში ბარათის მომსახურების ღირებულებას არ გადაიხდის.