"ბილაინი" გათამაშებაში გამარჯვებულ აბონენტებს გამოავლენს
მობილური ოპერატორი "ბილაინი" საქართველოში კიდევ ერთი გათამაშების გამარჯვებულ აბონენტებს დააჯილდოვებს.
როგორც "ინტერპრესნიუსს" კომპანიიდან აცნობეს, პრიზების გადაცემა დღეს, 13:30 საათზე, "ბილაინის" ცენტრალურ ოფისში (რუსთაველის 14ა) მოხდება.
"ყველაზე დინამიკურად მზარდი მობილური ოპერატორი საქართველოში კიდევ ერთი გათამაშების გამარჯვებულ აბონენტებს დააჯილდოვებს. გათამაშებაში მონაწილეობის მიღება შეეძლოთ როგორც "ბილაინის" არსებულ, ასევე პორტირებულ აბონენტებსაც, რომლებიც აპრილიდან ივლისის ჩათვლით რეგისტრირდებოდნენ უფასო ნომრის * 500 # -ის მეშვეობით. აბონენტები ბალანსის სამი ლარით შევსების შემთხვევაში, ერთ ბილეთს იღებდნენ, ხოლო "ბილაინის" ქსელის პორტირების შემთხვევაში დამატებით ხუთ ბილეთს. "ბილაინის" გათამაშების 3 გამარჯვებული გახდა ახალი "კიას" მფლობელი, ხოლო ორი ოროთახიანი ბინის მფლობელი კომპლექს M2 -ში. "ბილაინი" განაგრძობს აბონენტების წახალისებას და მათი სხვადასხვა პრიზებით დაჯილდოვებას", - აცხადებენ კომპანიაში.
მათივე განმარტებით, ბოლო გათამაშებაში დაფიქსირდა რეკორდული მაჩვენებლების ბილეთები.
"ეს კიდევ ერთხელ მიუთითებს ჩვენი ქსელის დინამიკურ ზრდაზე", – აღნიშნავს "ბილაინის" საზოგადოებასთან ურთიერთობის მენეჯერი თეონა ბაღდავაძე.
