შემოსავლების სამსახურის ვებ-გვერდი დილიდან შეფერხებით მუშაობს

შემოსავლების სამსახურის ვებ-გვერდი დღეს დილიდან შეფერხებით მუშაობს. საიტი ხშირ შემთხვევაში გათიშულია. "ინტერპრესნიუსმა" საიტზე შექმნილ პრობლემასთან დაკავშირებით შემოსავლების სამსახურის საზოგადოებასთან ურთიერთობის სამსახურთან დაკავშირება სცადა, თუმცა სატელეფონო ზარებს არ პასუხობენ.

1 აპრილიდან შემოსავლების სამსახურის ვებ-გვერდზე აქტიურდება დეკლარირების სპეციალური ფორმა, რომლის შევსებითაც დაუბეგრავი მინიმუმის დაბრუნების პროცედურა იწყება.

ამასთან, დაუბეგრავი მინიმუმის დასაბრუნებლად მოქალაქე, შემოსავლების სამსახურის ვებ-გვერდზე www.rs.ge განთავსებულ შესაბამის ფორმაში, მხოლოდ პირადი ნომრისა და საკუთარი საბანკო რეკვიზიტის მითითებით, შეავსებს ელექტრონულ დეკლარაციას და აქვე მიიღებს ინფორმაციას მისთვის დასაბრუნებელი თანხის ოდენობის შესახებ.