ირაკლი ღარიბაშვილი - მეგრელები კიდევ ერთხელ დაამტკიცებთ, რომ ყველაზე მებრძოლი ხალხი ხართ
პრემიერ-მინისტრმა ირაკლი ღარიბაშვილმა სამეგრელო-ზემო სვანეთში კოალიცია "ქართული ოცნების" გამგებლობის კანდიდატები წარადგინა.
კერძოდ, ესენი არიან: ზუგდიდი _ ედიშერ თოლორაია, აბაშა - მამუკა კვიტაშვილი, სენაკი _ გოჩა დგებუაძე, მარტვილი _ ალექსანდრე გრიგალავა, ხობი _ გოჩა ქაჯაია, წალენჯიხა _ გოგა გულორდავა, ჩხოროწყუ _ დავით გოგუა, მესტია _ კაპიტონ ჟორჟოლიანი. ასევე ფოთის მერობის კანდიდატია ირაკლი კაკულია.
"დარწმუნებული ვარ, ჩვენი წარმომადგენლები ნამდვილად დამაჯერებელ გამარჯვებას მოიპოვებენ თვითმმართველობის არჩევნებში. ჩვენ აუცილებლად გავიმარჯვებთ. მეგრელები კიდევ ერთხელ დაამტკიცებთ, რომ ყველაზე მებრძოლი ხალხი ხართ და არც ამ ბრძოლაში, არც ამ არჩევნებში დაიხევთ უკან და ხმას მისცემთ ხალხის ხელისუფლებას - ,,ქართულ ოცნებას", - განაცხადა ირაკლი ღარიბაშვილმა.
v-if="article.gallery" v-html="article.gallery"
