შოთა მალაშხია - საქართველოში მიმდინარე მოვლენებმა მთელი მსოფლიო გააერთიანა

ტერიტორიული მთლიანობის აღდგენის დროებით საპარლამენტო კომისიის ხელმძღვანელის შოთა მალაშხიას შეფასებით, საქართველოში მიმდინარე მოვლენებმა მთელი მსოფლიო გააერთიანა.

ამის შესახებ მალაშხიამ დღევანდელ პლენარულ სხდომაზე განაცხადა და აღნიშნა, რომ საქართველო ტერიტორიული მთლიანობის პრობლემას მთელ მსოფლიოსთან ერთად უახლოეს რამდენიმე წელიწადში გადაჭრის.;

მისივე თქმით, საქართველოსთან დაკავშირებულ საკითხებზე დღეს მთელი მსოფლიო ერთად დგას.

~ამ ერთად დგომის მაგალითია ის, რომ საქართველოში მიმდინარე მოვლენებზე ერთნაირად რეაგირებდა კოსოვო და სერბეთი; ერთნაირი პასუხები გასცეს რუსეთს ამერიკამ და ჩინეთმა, ერთნაირი ხედვები აქვს ევროპასა და აზიას, ნიკარაგუა კი, უბრალოდ, მსოფლიოს გადაავიწყდა, იგი მთლიანად ამოვარდნილი იყო გეოპოლიტიკური სისტემიდან და სწორედ ამიტომ რუსეთის გვერდით დადგომით მსოფლიოს თავი შეახსენა~, - განაცხადა მალაშხიამ.

მისივე თქმით, გუშინ მოსკოვში გამართულ ბრიფინგზე ნიკოლა სარკოზის, ბერნარ კუშნერსა და ყველა სხვა სტუმარს სახეზე ნათლად ეტყობოდათ, რომ მათ დაინახეს,; რა სახელმწოფოსთან აქვთ ურთიერთობა რუსეთის სახით.;

~ავსტრიის აღების დროს სიტყვით გამოსვლისას ჰიტლერი ჯერ დასავლეთის აუგად მოხსენიებით დაკავდა, ბოლოს კი თქვა, რომ როგორ ტირანი ისე კი არ მოევლინა ქვეყანას, არამდე, როგორც; - განმათავისუფლებელი. მაშინ ჰიტლერის სიტყვა გაცილებით უფრო დემოკრატიული იყო, ვიდრე გუშინ დიმიტრი მედვედევის მიერ წარმოთქმული სიტყვა. ეს ვიცით ჩვენ და ეს იცის ევროპამ~, - დასძინა მალაშხიამ.;;