"თავისუფალი თაობის" ორ წევრს ადმინისტრაციული ჯარიმა დაეკისრა, 5 წევრს კი სიტყვიერი გაფრთხილება მიეცა
"თავისუფალი ზონის" ოფისთან მომხდარი ინციდენტის დროს დაკავებულ ხუთ პირს საქალაქო სასამართლოს გადაწყვეტილებით, სიტყვიერი გაფრთხილება მიეცა , ხოლო ორ მათგანს ადმინისტრაციული ჯარიმა დაეკისრა.
საქალაქო სასამართლოში, გუშინ მომხდარი ინციდენტის დროს დაკავებული ორგანიზაცია "თავისუფალ თაობის" რვა პირის პროცესი ცოტა ხნის წინ დასრულდა. ერთი დაკავებულის პროცესი კი 8 ოქტომბრისთვის იმ მოტივით გადაიდო, რომ საქმეზე გარკვეული ვიდეომასალის მტკიცებულებად წარდგენა გახდა საჭირო.
დაჯარიმებულებს შორის არის ლადო სადღობელაშვილი, რომელსაც მოსამართლის გადაწყვეტილებით, 100-ლარიანი ჯარიმის გადახდა დაეკისრა, ასევე დააჯარიმეს ზურაბ გულორდავა, რომელსაც ჯარიმის თანხა 250 ლარით განესაზღვრა.
პროცესის დასრულების შემდეგ ლადო სადღობელაშვილმა განაცხადა, რომ შეხლა-შემოხლას ადგილი გუშინდელი აქციის დროს მართლაც ჰქონდა და ამას ადასტურებს, თუმცა მოსამართლის მიერ დაკისრებული ჯარიმის თანხა რთული გადასახდელია სტუდენტებისთვის.
მისი შეფასებით, განსაზღვრული ჯარიმა არაადეკვატურია. ზურაბ გულორდავას განცხადებით კი, გუშინ გამართული აქციის მიზანი "მსხვერპლიანი რეჟიმის" გამგრძელებლების ლიკვიდაციის მოთხოვნა იყო, რომელსაც "თავისუფალი თაობის" წარმომადგენლები ძალაში ტოვებენ.
v-if="article.gallery" v-html="article.gallery"
