უკრაინელმა სამხედროებმა დონეცკის ოლქში, 31-ე ბლოკპოსტზე კონტროლი დაამყარეს. ბატალიონ "დონბასის" მეთაურის სიმიონ სიმიონჩენკოს განცხადებით, ტერორისტებმა 31-ე ბლოკპოსტი გუშინ გვიან ღამით დატოვეს. მისივე ინფორმაციით, უკრაინელ სამხედროებს ჯერ არ დაუკავებიათ პოზიციები, თავდაცვითი სტრქტურების მასშტაბური განადგურების გამო.

უკრაინის ანტიტერორისტული ოპერაციის პრესცენტრის ცნობით, გასული დღე-ღამის განმავლობაში "ბოევიკებმა" სულ მცირე 115-ჯერ გახნეს ცეცხლი უკრაინული პოზიციების მიმართ.

ანტიტერორისტული ოპერაციის ზონაში ვითარება ამ დრომდე უკიდურესად დაძაბული რჩება.