ბიძინა ივანიშვილი - უკრაინაში წასვლა პირველ რიგში საკუთარ შვილებს მოუწოდონ

სააკაშვილმა და სხვებმა, ვისაც სურვილი აქვთ, რომ ქართველები უნდა წავიდნენ უკრაინაში და დაიხოცნონ, პირველ რიგში საკუთარ შვილებს მოუწოდონ წასვლა, - ამის შესახებ საქართველოს ყოფილმა პრემიერ-მინისტრმა ბიძინა ივანიშვილმა ტელეკომპანია "იმედის" ეთერში განაცხადა.

"სააკაშვილი ქართველებს ეძახის უკრაინაში საომრად და ზოგიერთმა ტელევიზიამ არასწორი მიმართულებით განავითარა ეს, რომ ქართველი ახალგაზრდები უნდა წავიდნენ. ვისაც სურვილი აქვთ, რომ ქართველები უნდა წავიდნენ უკრაინაში და დაიხოცონ, პირველ რიგში საკუთარ შვილებს მოუწოდონ. ვისაც ამის სურვილი აქვს, საკუთარი შვილებით დაიწყონ და მაგალითი აჩვენონ. რაც სააკაშვილს უნდოდა, ბევრმა პოლიტიკოსმა გაამართლა და ძალიან დიდი შეცდომა დაუშვეს ამით" , - აღნიშნა ივანიშვილმა.

მისივე თქმით, ძალიან ცუდია, რომ უკრაინაში ქართველები გარდაიცვალნენ.

"ისინი ცდილობდნენ ჩვენ მეგობრებს დახმარებოდნენ. ამ ფაქტს შეიძლება ანგარიში გავუწიოთ და შევიდეთ თანაგრძნობაში. თუმცა, მოწოდებები, რომ ჩვენ უნდა წავიდეთ უკრაინაში, მეორეს მხრივ, ქართველები წავიდნენ და რუსეთის მხრიდან იომონ, არის არასწორი", - აღნიშნა ივანიშვილმა.

იხილეთ ვიდეო: ვისაც სურს, რომ ქართველები უკრაინაში უნდა წავიდნენ და დაიხოცონ, საკუთარ შვილებს მოუწოდონ - ბიძინა ივანიშვილი

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 26.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა