ზურაბ ჯაფარიძე ბიძინა ივანიშვილთან დებატებისთვის მზად არის

"ნაციონალური მოძრაობის" ერთ-ერთი ლიდერის, ზურაბ ჯაფარიძის განცხადებით, ბიძინა ივანიშვილმა ქვეყანაში შექმნილი ვითარების არაადეკვატური განცხადებები გააკეთა, თითქოს ლარის გაუფასურება არანაირ პრობლემას არ წარმოადგენს, პირიქით, კარგია.

"ჩვენ გვინდა განვაცხადოთ, რომ ლარის გაუფასურების გამო სერიოზული პრობლემები შეექმნა საქართველოს მოსახლეობის ძალიან დიდ ნაწილს, მათ შორის: პოლიციელებს, სამხედრო მოსამსახურეებს, ექიმებს, პენსიონერებს, სოციალურად დაუცველებს. ყველა იმ ადამიანს, რომელიც სახელმწიფოსგან იღებს ან ხელფასს ან სოციალურ დახმარებას. პრობლემები შეექმნათ იმ ადამიანებს, რომლებსაც სესხი აქვთ აღებული დოლარში და გაცილებით მეტის გადახდა უწევთ საფინანსო ინსტიტუტებისთვის, ვიდრე აქამდე უწევდათ", - განაცხადა ჯაფარიძემ.

მისივე თქმით, ივანიშვილმა ასევე განაცხადა, რომ საქართველო უნდა იყოს პატარა ქვეყანა ამბიციების გარეშე და ნელი ეკონომიკური ზრდა ჩვენი ქვეყნისთვის არანაირ პრობლემას არ წარმოადგენს.

"ამ ადამიანის გადმოსახედიდან, რომლის ქონება რამდენიმე მილიარდია და უზრუნველყოფილი აქვს საკუთარი შვილების და შვილიშვილების ცხოვრება, ცხადია ეს არ წარმოადგენს პრობლემას, მაგრამ ეს პრობლემა არის საქართველოს მოსახლეობისთვის, ჩვენთვის, ვისაც გვსურს, რომ ჩვენმა შვილებმა მაინც მოასწრონ განვითარებულ, ევროპულ ქვეყანაში ცხოვრება", - განაცხადა ჯაფარიძემ.

დეპუტატის თქმით, ივანიშვილმა გუშინ ასევე განაცხადა, რომ მზად არის დაჯდეს დებატებში ნებისმიერთან, ვინც ამტკიცებს, რომ ლარის გაუფასურება არის პრობლემა და ეკონომიკაში არის პრობლემები.

"მე, ზურაბ ჯაფარიძე, საქართველოს პარლამენტის წევრი, მთავარი ოპოზიცური პარტიის აღმასრულებელი მდივანი, ვაცხადებ სრულ მზადყოფნას ნებისმიერ ეთერში, ნებისმიერ დროს, როცა ეს ადამიანი ჩათვლის, რომ მზად არის, დავჯდე მასთან პირდაპირ ეთერში და ავუხსნა რატომ არის ეროვნული ვალუტის გაუფასურება ქვეყნისთვის პრობლემა და როგორ აზარალებს ეს საქართველოს გაჭირვებულ მოსახლეობას", - განაცხადა ზურაბ ჯაფარიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024