ალექსანდერ ვერშბოუ - საქართველო შეიძლება უსაფრთხოების ექსპორტიორი ქვეყანა გახდეს

ნატო-ს გენერალური მდივნის მოადგილე, ალექსანდერ ვერშბოუ პოლიტიკურ ლიდერებს მოუწოდებს აღებული კურსით გააგრძელონ მუშაობა.

როგორც ალექსანდერ ვერშბოუმ საქართველოს პრემიერ-მინისტრ ირაკლი ღარიბაშვილთან ერთად გამართულ პრესკონფერენციაზე განაცხადა, საქართველო ჭეშმარიტად განსაკუთრებული პარტნიორია ალიანსის.

"საქართველო შეიძლება გახდეს უსაფრთხოების ექსპორტიორი ქვეყანა, რაც თვალნათლივ არის წარმოჩენილი თქვენი ჯარების ჩართულობით, მისიაში მონაწილეობით, მნიშვნელოვანი სამხედრო კონტიგენტით. საქართველო ახორციელებს აღსანიშნავ დემოკრატიულ რეფორმებს, ჩვენ დავინახეთ ფაქტიურად განვითარებული მომწიფებული დემოკრატია. მინდა მოვუწოდო პოლიტიკურ ლიდერებს თქვენი ქვეყნისა, გააგრძელონ ყოფნა ამ მდგომარეობაში, ამ კურსით მოძრაობა. მოვუწოდებ ყველა პარტიას, საქართველოს ყველა მოქალაქეს ითანამშრომლონ საქართველოს უკეთესი მომავლისათვის ინსტიტუტების დემოკრატიზაციისთვის და ძალიან მაღალი თვალზარისით ვაფასებ იმ რეფორმებს, რომელიც ჩატარდა და რომელიც პრიორტეტული რეფორმების სიაში აქვს საქართველოს მთავრობას, არა მარტო თავდაცვის რეფორმა იგულისხმება აქ იგულისხმება კანონის უზენაესობა მმართველობის გაუმჯობესება ყველა დონეზე. ეს გახლავთ ჩვენი დღის წესრიგის ნაწილი", - განაცხადა ვერშბოუმ.

მისი თქმით, გასული წლის სამიტის შემდეგ ნატო საქართველოს არსებითი პაკეტის გაძლიერება დაიწყო, რომელიც საქართველოს თავდაცვისუნარიანობას ამყარებს.

"აღნიშნული პაკეტი საქართველოს ალიანსის წევრობისთვის მოამზადებს. ხვალ მექნება ვიზიტი ერთ-ერთ ადგილას, სადაც შეიძლება ცენტრი გაიხსნას. საქართველო და ჩვენ ერთგულები ვართ იმ იდეის, რომ ცენტრმა უნდა დაიწყოს მოქმედება წლის ბოლოსთვის და საქართველოს თავდაცვის და უსაფრთხოების სექტორი გაძლიერდეს", - განაცხადა გუშინ ვერშბოუმ.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 30.05.2024
Samsung წარმოგიდგენთ პრემიუმ Bespoke French Door მაცივარს
„ბრიტანულ-ქართული აკადემიის“ დამფუძნებელი პარტნიორი ნათია ჯანაშია „საქართველოს კაპიტალთან“ დადებული ხელშეკრულებიდან გადის
2024 წლის ახალი ტოიოტა ლენდ კრუიზერ პრადო - სულ მალე საქართველოში