ალექსანდერ ვერშბოუ - შერჩევითი სამართლიანობის თუნდაც აღქმა მაქსიმალურად უნდა იქნას დაძლეული

შერჩევითი სამართლიანობის თუნდაც აღქმა მაქსიმალურად დაძლეული უნდა იქნას, - ამის შესახებ ნატო-ს გენერალური მდივნის მოადგილემ ალექსანდერ ვერშბოუმ საქართველოს ატლანტიკური საბჭოს პროექტის "შეხვედრები საპატიო სპიკერებთან 2015" ფარგლებში გამართულ შეხვედრაზე განაცხადა.

"იმისათვის, რომ საქართველო უფრო ახლოს მივიდეს ნატოსთან, საქართველომ უნდა გააგრძელოს დემოკრატიული რეფორმების გზაზე სიარული. ჩვენ ვაფასებთ იმ საკანონმდებლო ცვლილებებს, რომელიც მიღებულ იქნა გასულ წელს, განსაკუთრებით ანტიდისკრიმინაციული კანონი, ადამიანის უფლებების სტრატეგია. ევროკავშირთან ასოცირების შეთანხმება კიდევ ერთხელ ადასტურებს თქვენს ევროპულ მისწრაფებას და რეფორმების წარმატებულობას. შემდგომი პროგრესი მოითხოვს უფრო აქტიურ თანამშრომლობას მთავრობასა და ოპოზიციას შორის, აუცილებელია დიალოგი მათ შორის, აღმასრულებელ ხელისუფლებასა და სამოქალაქო საზოგადოებას შორის. შემდგომი თვეების განმავლობაში ალიანსი ძალიან ყურადღებით დააკვირდება, როგორ განვითარდა მოვლენები ამ მიმართულებით, როგორ მიდის რეფორმები პროკურატურასა და შინაგან საქმეთა სამინისტროში", - განაცხადა ვერშბოუმ.

მისივე თქმით, შერჩევითი სამართლიანობის თუნდაც აღქმა მაქსიმალურად დაძლეული უნდა იქნას.

"კანონის უზენაესობა უნდა იყოს მაქსიმალურად დაცული. ეს არის ფუნდამენტური პრინციპი იმ ორგანიზაციისა, რომლის წევრობაც სურს საქართველოს და რომლის თანახმადაც ცხოვრობს მთელი ევროპა", - დასძინა ალექსანდერ ვერშბოუმ.

ირაკლი მელაშვილი - კანონის მიღებით ხელისუფლებამ საბედისწერო შეცდომა დაუშვა
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
კახა ოქრიაშვილი - ვერცერთი ქართული ოჯახი ვერ იქნება ბედნიერი, თუ ჩვენი დიდი ოჯახი, საქართველო ძლიერი და ბედნიერი არ იქნება