ზაზა ხატიაშვილი - თავის ბოლო ინტერვიუში ბიძინა ივანიშვილმა მორიგ სკანდალს დაუდო საფუძველი

"ადვოკატთა ასოციაციის" თავმჯდომარე ბიძინა ივანიშვილის მიერ არასამთავრობო ორგანიზაციის წარმომადგენლების- კახა კოჟორიძის, ეკა გიგაურის და ნინო ლომჯარაის მიმართ გაკეთებულ განცხადებას ეხმაურება.

როგორც ზაზა ხატიაშვილის განცხადებაშია ნათქვამი, "თავის ბოლო ინტერვიუში ბიძინა ივანიშვილმა მორიგ სკანდალს დაუდო საფუძველი".

"კერძოდ, მისი არასამთავრობო ორგანიზაცია კახა კოჟორიძის, ეკა გიგაურის და ნინო ლომჯარაისთან დაკავშირებით კვლევაზე მუშაობს. საერთოდ, ბიძინა ივანიშვილი თავის განცხადებაში არ გულისხმობდა მხოლოდ კახა კოჟორიძეს, ეკა გიგაურს და ნინო ლომჯარიას, ქვეტექსტებში იკითხება ხელისუფლების მხრიდან მთელი არასამთავრობოების კონტროლის მცდელობა და კუდიანებზე ნადირობა.

ის ფატი, რომ ბიძინა ივანიშვილი მხოლოდ არასამთავრობო სექტორში არ საქმიანობს და ის არის ქვეყნის ფაქტობრივი მმართველი, ეს დაადასტურა რამდენიმე დღის წინ, შინაგან საქმეთა მინისტად მისი დაცვის ყოფილი წევრის დანიშვნამ. საქართველოს პრეზიდენტმა თავის გამოსვლაში ასევე დაადასტურა, რომ ქვეყანა კულუარებიდან იმართება, რაც არის ამ ქვეყნის ფეოდალიზმში დაბრუნება. მინდა ვთხოვო ივანიშვილს რომელსაც ხელი მიუწვდება ნებისმიერ იმფორმაციაზე. ვფიქრობ, ჩემნაირად მას არავინ არ აკრიტიკებს. ჩაატაროს კვლევა ჩემზე, თუ მქონია ოდესმე შეხება ან სააკაშვილის რეჟიმთან ან ივანიშვილის ფეოდალურ ხელისუფლებასთან. მე მინდა მას შევახსენო, რომ მე არანაირი შეხება მის ხელისუფლებასთან არ მქონია, მაგარამ თვითონ "ქართული ოცნება", რომ ცდილობდა ჩემს გადაბირებას ჩემს დაუკითხვად, როცა გაავრცელა განცხადება ტელეკომპანია "მაესტროს" ეთერით, თითქოს ზაზა ხატიაშვილი კენჭს ვიყრიდი "ქართული ოცნებიდან" სიღნაღში. ეს ახსოვს მთელ საქართველოს. ბიძინას ვერ წარმოუდგინა რომ, შეიძლება ამ ქვეყანაში იყო ადამიანი, რომელიც გაბედავს და მის შეთავაზებაზე იტყვის უარს. გამოდის, რომ თუ ბიძინას თამაშს თამაშობ, კარგი ადამიანი ხარ და თუ გაბედავ და დიდ ბიძინას გააკრიტიკებ მტერი? ეს არ არის წესიერება.

მინდა ბიძინა ივანიშვილს ვთხოვო, თავი დაანებოს არასამთავრობო ორგანიზაციების კრიტიკას და მიხედოს მისი ხელისუფლების მიერ გაუბედურებულ ქვეყანას, რომელიც უფსკრულისკენ მიექანება. არც ერთ ქვეყანაში ავტოკრატიული ქვეყნების გარდა, არ არსებობს სახელმწიფო, სადაც პირად მცველს დანიშნავენ შინაგან საქმეთა მინისტრად, მეორე პირად მცველს, სახელმწიფო დაცვის სამსახურის ხელმძღვანელად, პირად ექიმს ჯანდაცის მინისტრად (კიდევ კარგი სერგეენკომ გაამართლა) პირადი ბანკის თანამშრომლებს პრემიერ–მინისტრად, ეკონომიკის მინისტრად და ა.შ. ეს ნამდვილად შეიძლება იყოს კვლევის საგანი და საინტერესო იქნება აღნიშნული შედეგების ნახვა.

ბატონო ბიძინა, მინდა გთხოვოთ, კვლევის ჩატარება თქვენს მიერ განხორციელებულ საოცრებებზე.

თქვენი პრემიერობის დროს, მთავრობის 2013 წლის 3 ივლისის სხდომაზე მიიღეთ გადაწყვეტილება და მიმართეთ პარლამენტს, რათა პარლამენტმა შეიტანოს ცვლილება სისხლის სამართლის საპროცესო კოდექსში, მოწმედ დაბარებული პირის პირდაპირ სასამართლოში დაკითხვის გადავადების თაობაზე, რომელიც წარმატებით განხორციელდა. სამართალდამცავ ორგანოებში მოწმედ დაბარებული უდანაშაულო ნებისმიერი მოქალაქების წამების გამო, თქვენ უნდა დაგეკისროთ მინიმუმ მორალური პასუხისმგებლობა.

ტელევიზიის საშუალებით მთელმა საქართველომ იხილა, სამართალდამცავებმა როგორ დაადეს ბორკილები მოწმის სტატუსით გამოძახებულ (მერიის თანამშრომლებს), რომლებიც შემდეგ დაკითხვის გარეშე გაათავისუფლეს. თქვენ, პრესკონფერენციაზე საჯაროდ დააფიქსირეთ თქვენი აზრი, რომ ეს იყო დაკავება. მაშინ გამოდის, რომ ადგილი ჰქონდა უკანონო დაკავებას, რომელიც ისჯება თავისუფლების აღკვეთით ხუთიდან რვა წლამდე. საქმეზე არ ჩატარდა გამოძიება, ვინაიდ  თქვენი ფავორიტი ფარცხალაძე მონაწილეობადა სავარაუდოდ აღნიშნული უკანონო ქმედებების განხორციელებაში.

ირაკლი ღარიბაშვილმა, სამოქალაქო საზოგადოებასთან მიმართებაში გაუგონარი ძალადობა ჩაიდინა და ,,ოპერაცია გირგვლიანი 2" გაიმეორა.

ადამიანის უფლებათა ევროპულმა სასამართლომ, 2012 წლის 18 დეკემბერს საქმეზე "დვალიშვილი საქართველოს წინააღმდეგ" გადაწყვეტილება გამოიტანა და ერთსულოვნად დაადგინა, რომ კონვენციის მე-3 მუხლი - "წამება, არაადამიანური და არაჰუმანური მოპყრობა" დაირღვა. მომჩივანი რევაზ დვალიშვილი, 2005 წლიდან ცდილობდა დაემტკიცებინა, რომ იგი გახდა წამების მსხვერპლი წყალტუბოს რაიონის პოლიციის მუშაკების მხრიდან. რევაზ დვალიშვილი 2006 წლიდან მოყოლებული ამტკიცებდა, რომ ის დაზიანებები, რომლებიც მას აღმოაჩნდა სამედიცინო დასკვნის შედეგად, უშუალოდ პოლიციაში წამების შედეგად აქვს მიღებული. კერძოდ, წყალტუბოს პოლიციის მუშაკებმა რევაზ ქობულიამ, მალხაზ მჟავიამ, ბადრი ღაჭავამ, ზვიად აფციაურმა და გამომძიებელმა მერაბ ქორიძემ იგი პოლიციის განყოფილებაში დააგდეს, ფეხებით შესდგნენ, წიხლებით სცემდნენ და ხელის თითებს უჭეჭყავდნენ. შემდეგ ფეხებით დაკიდეს ზევიდან ქვევით, დაასხეს "კოკა-კოლა" იატაკზე და ენით აალოკინეს. როგორც საქართველოს სინამდვილეში ხდება, საქართველოს პროკურატურამ გაამართლა მოძალადე პოლიციელები, რომლებიც ამტკიცებდნენ, რომ რევაზ დვალიშვილმა დაზიანებები მიიღო უშუალოდ დაკავების პროცესში, მიწაზე ერთჯერადი დაცემით.

ადამიანის უფლებათა ევროპული სასამართლოს 2012 წლის 18 დეკემბრის გადაწყვეტილების შემდეგ, რევაზ დვალიშვილმა 2012 წლის 19 თებერვალს მიმართა მთავარ პროკურორს-არჩილ კბილაშვილს და მოითხოვა პოლიციის მუშაკების რევაზ ქობულიას, მალხაზ მჟავიას, ბადრი ღაჭავას, ზვიად აფციაურის, მერაბ ქორიძის სისხლის სამართლის პასუხისგებაში მიცემა, მისი წამების, არაადამიანური და არაჰუმანური მოპყრობის გამო. მიუხედავად იმისა, რომ ადამიანის უფლებათა ევროპულმა სასამართლომ დაადგინა ფაქტი, რომ წყალტუბოს პოლიციაში რევაზ დვალიშვილი გახდა არაადამიანური მოპყრობის მსხვერპლი.

ირაკლი ღარიბაშვილმა განახორციელა ,,ოპერაცია გირგვლიანი 2" და რევაზ დვალიშვილის მთავარი მწამებელი-რევაზ ქობულია 2013 წლის ივლისში დანიშნა საქართველოს შინაგან საქმეთა სამინისტროს წყალტუბოს რაიონული სამმართველოს უფროსად.

აღნიშნულის შემდეგ, თქვენ ირაკლი ღარიბაშილი დაგვინიშნეთ პრემიერ მინისტად, რასაც არც ერთი მმართველი არ გააკეთებდა.

ბატონო ბიძინა, არასამთავრობო ორგანიზაციებზე დარტყმების ნაცვლად სჯობს მიხედოთ ქვეყანას, რომლის მოსახლეობა ლარის კურსის ცვალებადობის გამო გაღატაკდა. ასევე, დაგვეხმაროთ თქვენს მიერ აშენებული იმ 100 ქარხნის მოძიებაში, რომელსაც ორი წლის განმავლობაში ვერ ვპოულობთ", - ნათქვამია ზაზა ხატიაშვილის განცხადებაში.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 26.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა