გიორგი მარგველაშვილი - რაც უფრო მეტ პროექტს განვახორციელებთ, უფრო მეტად დავუახლოვდებით ნატო-ს

რაც უფრო მეტ პროექტს განვახორციელებთ, უფრო მეტად დავუახლოვდებით ნატო-ს, - ამის შესახებ საქართველოს პრეზიდენტმა გიორგი მარგველაშვილმა ნატოს გენერალური მდივნის მოადგილე ალექსანდერ ვერშბოუსთან შეხვედრის შემდეგ გამართულ პრესკონფერენციაზე განაცხადა.

მისივე შეფასებით, ალიანსთან ჩვენი თანამშრომლობის გაღრმავებას ''კარგი იმპულსი აქვს. "მინდა კიდევ ერთხელ ვუთხრა მადლობა ბატონ ვერშბოუს იმ სამუშაოებისთვის, რაც ამ ეტაპზე განხორციელდა. ამ ვიზიტს მოჰყვება კიდევ ბევრი, არაერთი ტექნიკური ჯგუფის ვიზიტი, რომელთა მიზანი უესლში მიღებული პაკეტის იმპლემენტაცია იქნება. ეს ეხება როგორც წვრთნისა და შეფასების ცენტრს, ასევე სხვა ტიპის პროექტებს - ამ პაკეტის სხვა ნაწილებს. ჩვენი თანამშრომლობის გაღრმავებას ძალიან კარგი იმპულსი აქვს როგორც ჩვენი ნატოელი პარტნიორების მხრიდან, ასევე საქართველოს შიგნით, თავდაცვის სამინისტროს გენშტაბის ჩართულობით", - განაცხადა მარგველაშვილმა.

რაც შეეხება უშუალოდ საწვრთნელ ცენტრს, საქართველოს პრეზიდენტის განმარტებით, ეს ყველაფერი არის, ერთი მხრივ, ჩვენი თავდაცვისუნარიანობის გაღმავებისკენ გადადგმული ნაბიჯი, მეორე მხრივ კი, ამ ნაბიჯებს მივყავართ ნატოს წევრობისკენ. "შესაბამისად, რაც უფრო მეტ ასეთ პროექტს განვახორციელებთ, ეს კიდევ უფრო დაგვაახლოებს ალიანსთან", - აღნიშნა პრეზიდენტმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს