ალექსანდერ ვერშბოუ - საქართველო არის სამაგალითო ქვეყანა რეგიონისთვის

საქართველო არის სამაგალითო ქვეყანა რეგიონისთვის, - ამის შესახებ ნატოს გენერალური მდივნის მოადგილემ ალექსანდერ ვერშბოუმ გუშინ, პრეზიდენტ გიორგი მარგველაშვილთან შეხვედრის შემდეგ გამართულ პრესკონფერენციაზე განაცხადა.

მისივე შეფასებით, საქართველო არის უსაფრთხოების ექსპორტიორი ქვეყანა და სახელმწიფო, რომელიც ახორციელებს რეალურ რეფორმებს. "ჩვენ ძალიან კარგი დისკუსიები გვქონდა ნატო-საქართველოს ურთიერთობების და იმ გეოპოლიტიკური გამოწვევების შესახებ, რომლის წინაშეც ჩვენ ვდგავართ. საქართველო არის ნატოს ძალიან ძლიერი პარტნიორი სახელმწიფო. ქართველმა ხალხმა გააკეთა ევროატლანტიკური არჩევანი - ეს სწორედ მათი არჩევანია და სხვას არ აქვს უფლება ჩაერიოს. ჩვენ ვნახეთ მართლაც დემოკრატიული რეფორმები, მათ შორის თავდაცვის სფეროში, საქართველო აგრძელებს დემოკრატიულ გზას, რეფორმების გზით სვლას, ხდება იუსტიციის სამსახურების რეფორმა. გასული წლიდან კიდევ უფრო გაღრმავდა ჩვენი თანამშრომლობა", - აღნიშნა ალექსანდერ ვერშბოუმ.

ნატოს გენერალური მდივნის მოადგილემ საქართველოს ტერიტორიული მთლიანობისადმი მხარდაჭერა კიდევ ერთხელ დაადასტურა და მიესალმა მთავრობის პოზიციასაც, რომ კონფლიქტური რეგიონების პრობლემა მშვიდობიანი გზით მოაგვაროს.

"ნატოს პრინციპები ძალიან ნათელია, ის არ შეცვლილა. ჩვენ მხარს ვუჭერთ საქართველოს ტერიტორიულ მთლიანობას, მის სუვერენიტეტს საერთაშორისოდ აღიარებულ ფარგლებში. ჩვენ ვუჭერთ მხარს საქართველოს ძალისხმევას. მან უკვე აირჩია თავისი მოკავშირეები. ბუქარესტის სამიტზე მიღებული გადაწყვეტიოლება არ შეცვლილა, არ შეიცვლება და ის ადრე თუ გვიან გახდება ალიანსის წევრი. ჩვენ წლების განმავლობაში ვისმენთ საქართველოს პოზიციას (და დარწმუნებული ვარ, ამას ახორციელებს კიდეც), რომ მშვიდობიანი გზით გადაჭრას პრობლემა აფხაზეთში. რა თქმა უნდა, ეს კიდევ უფრო რთული ხდება იმ უკანონო ხელშეკრულების გამო, რომელიც დაგმო ნატომ. საქართველო არის მაგალითი რეგიონისთვის - სამაგლითო ქვეყანაა. ის არის ექსპორტიორი ქვეყანა უსაფრთხოებისა. არის ქვეყანა, რომელიც ახორციელებს რეალურ რეფორმებს, დემოკრატიულ რეფორმებს საკუთარი ხალხის საკეთილდღეოდ და ეს არის ქვეყანა, რომელიც ახორციელებს თავის სუვერენულ არჩევანს. რაღაც სამუშაო უნდა გატარდეს მომავალშიც, მაგრამ თქვენ უფრო და უფრო უახლოვდებით მიზანს. ჩვენ გავაგრძელებთ თქვენს მხარდაჭერას'', - განაცხადა ვერშბოუმ.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა
26 ოქტომბერს ავსტრია ეროვნულ დღესასწაულს განსაკუთრებული აქტივობებით აღნიშნავს
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)