შსს-ს აჭარის მთავარი სამმართველოს უფროსი დავით თამაზაშვილი თანამდებობის დატოვებას უარყოფს
შინაგან საქმეთა სამინისტროს აჭარის მთავარი სამმართველოს უფროსი დავით თამაზაშვილი მის მიერ თანამდებობის დატოვებას უარყოფს.
როგორც "ინტერპრესნიუსს" დავით თამაზაშვილმა განუცხადა, იგი თანამდებობაზე რჩება. "ბულვარში ვარ, თანამშრომლებთან ერთად, ვსეირნობ. ვრჩები თანამდებობაზე", - აღნიშნა დავით თამაზაშვილმა.
მანვე უწყების პრესცენტრთან დაკავშირება გვირჩია. შსს-ში დავით თამაზაშვილის მიერ თანამდებობის დატოვებას არ ადასტურებენ.
შს აჭარის მთავარი სამმართველოს უფროსის თანამდებობაზე დავით თამაზაშვილი გასული წლის 19 თებერვალს დაინიშნა.
დავით თამაზაშვილი წლების განმავლობაში კრიმინალურ პოლიციაში მუშაობდა. მან აჭარის მთავარი სამმართველოს უფროსის თანამდებობაზე ვალერი თელია შეცვალა. დავით თამაზაშვილი ანსამბლ "ქართული ხმების" მომღერლის, გურამ თამაზაშვილის ვაჟია.
v-if="article.gallery" v-html="article.gallery"
