მინსკის დოკუმენტის მიხედვით, ყველა უცხოურ შეიარაღებულ ფორმირებას უკრაინის ტერიტორიის დატოვება მოუწევს. უკრაინის პრეზიდენტის, პეტრო პოროშენკოს განცხადებით , მინსკში შეთანხმებულ დოკუმენტში არის პუნქტი, რომელიც ყველა უცხოური შეიარაღებული ფორმირების მიერ უკრაინის ტერიტორიის დატოვებას გულისხმობს.

"ბიბისის" ინფორმაციით, ამის შესახებ პოროშენკომ მინსკში "ნორმანდიულ ოთხეულს" შორის შეხვედრის დასრულების შემდეგ განაცხადა.

მინსკში მერკელის, პუტინის, პოროშენკოსა და ოლანდის მონაწილეობით შეხვდრა გუშინ დაიწყო და დაახლოებით 16 საათი გრძელდებოდა. მიღწეულია შეთანხმება, რომ უკრაინაში ცეცხლი 15 თებერვალს უნდა შეწყდეს.