დონეცკისა და ლუგანსკის თვითგამოცხადებულმა ლიდერებმა მინსკის დოკუმენტს ხელი მოაწერეს

დონეცკისა და ლუგანსკის თვითგამოცხადებულმა ლიდერებმა მინსკში შემუშავებულ დოკუმენტს ხელი მოაწერეს, რომელიც აღმოსავლეთ უკრაინაში ვითარებას დარეგულირებას ეხება. ამის შესახებ უკრაინული მედია წერს.

დონეცკის თვითგამოცხადებული რესპუბლიკის ლიდერმა, ალექსანდრ ზახარჩენკომ განაცხადა, რომ დოკუმენტის პუნქტები, რომელიც საკონტაქტო ჯგუფის მიერ იქნა ხელმოწერილი, დამატებით შეთანხმებას საჭიროებს.

მისი თქმით, რუსეთის პრეზიდენტის, ვლადიმერ პუტინის, გერმანიის კანცლერ ანგელა მერკელის და საფრანგეთის პრეზიდენტ ფრანსუა ოლანდის გარანტიების შედეგად, მათ დოკუმენტს ხელი მოაწერეს.

"ჩვენ იმედი გვაქვს, რომ ეს დაასრულებს საბრძოლო ქმედებებს", -განაცხადა ზახარჩენკომ.