უკრაინის პრეზიდენტი პეტრო პოროშენკო აცხადებს, რომ მინსკში "ნორმანდიული ოთხეულის" მიერ გამართულ მოლაპარაკებებზე უკრაინული მხარე დონბასისთვის ავტონომიის მინიჭებას არ დათანხმდა. ამის შესახებ "უნიანი" იტყობინება.

"მოლაპარაკებები იოლი არ იყო. ჩვენ ყველა მიუღებელი პირობა გამოვრიცხეთ, ასევე ნათლად გამოვხატეთ ჩვენი პოზიცია, რომ ცეცხლის შეწყვეტა ყოველგვარი წინაპირობის გარეშე უნდა მოხდეს", - განაცხადა უკრაინის პირველმა პირმა.