"ნორმანდიული ოთხეულის" მომავალი შეხვედრა შესაძლოა ასტანაში გაიმართოს. გერმანიის ფედერალურმა კანცლერმა ანგელა მერკელმა ყაზახეთის პრეზიდენტ ნურსულთან ნაზარბაევთან ტელეფონით მინსკის შეხვედრის შედეგები განიხილა. ამის შესახებ "ცენზორ.ნეტ"-ის ინფორმაციით, ყაზახეთის პრეზიდენტის პრესსამსახური იუწყება.

ნაზარბაევმა მინსკის მოლაპარაკებების წარმატებით დასრულებაში ანგელა მერკელის უდიდესი წვლილის შესახებ ისაუბრა. თავის მხრივ გერმანიის კანცლერმა ხაზი გაუსვა ყაზახეთის პრეზიდენტის ძალისხმევას კონფლიქტის მშვიდობიანად დარეგულირების საკითხში და სთხოვა, გააგრძელოს ამ მხრივ დაწყებული სამუშაო და დასძინა, რომ შესაძლოა, "ნორმანდიული ოთხეულის" შეხვედრა ასტანაში გაიმართოს.