თეა წულუკიანი - მე გადავარჩინე ID ბარათი დაღუპვას
მე გადავარჩინე ID ბარათი დაღუპვას და მე ამას ამაყად ვამბობ, - ამის შესახებ იუსტიციის მინისტრმა თეა წულუკიანმა "პალიტრა TV"-ის გადაცემა "რეზიუმეში" სტუმრობისას განაცხადა.
"მე გადავარჩინე ID ბარათი დაღუპვას და მე ამას ამაყად ვამბობ დღეს. დაღუპვას იმიტომ, რომ იყო საზოგადეობაში ძალიან დიდი უკმაყოფილება "ნაციონალური მოძრაობის" პროპაგანდისა, რომელიც ხალხს აშინებდა და ტყუილებს ეუბნებოდა, რომ ეს უფრო მეტია, ვიდრე პირადობის მოწმობა და ამით ბევრი რამ კონტროლდება. ჩვენ ამას ვერ შევცვლით ალტერნატიული პირადობის მოწმობით. ID ბარათში არავინ არ ცხოვრობს და საშიში არ არის და ეს ვერ შეიცვლება", - აღნიშნა იუსტიციის მინისტრმა.
მისივე თქმით, პირადობის მოწმობებთან დაკავშირებით ვერ ექნებათ არჩევანის საშუალება, რადგან საქართველოს ეს დააზიანებს. "ბარათის არსებობა არ არღვევს არავის რელიგიურ თავისუფლებას, რადგან რელიგიური თავისუფლება არ არის შეუზღუდავი. 20 აპრილს გამოვაცხადე უფასო აქცია პირადობის მოწმობების და ამ ეთერს ვიყენებ იმისთვის, რომ კიდევ ბევრს გავაგებინო, რომ 20 ივნისამდე პირადობის მოწმობა, რომელიც სხვა მხრივ 34 ლარი დაუჯდებოდათ, არის უფასო. 20 პარილს დაიწყო, ერთი თვე არ არის გასული და ამ დროში 173 ათასმა მოქალაქემ აიღო პირადობის მოწმობა", - აღნიშნა თეა წულუკიანმა.
მისივე თქმით, დარჩა რაღაც ჯგუფი მოქალქეების, რომელიც ამბობს, რომ ID ბარათით მათ ვინმე გააკონტროლებს. "მინდა ვთქვა, რომ იმ ID ბარათში ინახება მხოლოდ სახელი გვარი, დაბადების ადგილი და მოქალაქეობა. შიშები არის უსაფუძვლო. ID ბარათი არის მნიშვნელოვანი. მე მევალება წელიწადში მილიონი დაბადების, გარდაცვალების და სხვა სააქტო ჩანაწერების დიგიტალიზაცია. ამიტომ 50 ადამიანი ჩემს სამსახურში მუშაობს სკანერზე და თუ მე 2024 წლამდე არ დავასკანერე ყველაფერი, რომ კომპიუტერულად შეიძლებოდეს ადამიანის შემოწმება, მაშინ შეიძლება ეს ვიზა ლიბერალიზაცია ჩავარდეს", - განაცხადა იუსტიციის მინისტრმა.
v-if="article.gallery" v-html="article.gallery"
