ვახტანგ გორგასლის სახელობის საკათედრო ტაძრიდან ქობულეთში ხანძრის დროს დაღუპული ბავშვები გამოასვენეს. დავით ზაქრაძეს, რეზო დემეტრაშვილს და თორნიკე ხვიჩიას რუსთავის სასაფლაოზე დაკრძალავენ.

ანსამბლი ,,სიხარული 2" ბათუმში ფესტივალზე იმყოფებოდა. 9 მაისს ისინი ქობულეთში სასტუმრო ,,არმაზში" დაბინავდნენ, გამთენიისას გაჩენილ ხანძარს სამი ბავშვის სიცოცხლე ემსხვერპლა. არსებული ინფორმაციით, ცეცხლი ელექტროგაყვანილობიდან იმ ნომერში გაჩნდა, სადაც სამ ბავშვს ეძინა. ბავშვების ცხედრების იდენტიფიცირება 13 მაისს დნმ-ის პასუხების შემდეგ გახდა შესაძლებელი.