ნუკრი ქანთარია - წინა წლებში გამართულ აღლუმებზე იარაღის ჟღარუნი პაროდიის სახესაც კი იღებდა
უმრავლესობის წარმომადგენლის ნუკრი ქანთარიას შეფასებით, წლევანდელი 26 მაისის მთავარი გზავნილი იყო ის, რომ საქართველო მშვიდობისმოყვარე , თავდაცვაზე ორიენტირებული ქვეყანაა.
როგორც დეპუტატმა პარლამენტის პლენარულ სხდომაზე განაცხადა, "სამხედრო აღლუმებზე იარაღის ჟღარუნს პაროდიის სახე" ჰქონდა.
"90-იანი წლებიდან ძალიან ბევრი 26 მაისის მომსწრე და მონაწილე ვარ. გვახსოვს სხვადასხვა სახით აღნიშნული ღონისძიებები – მათ შორის სისხლიანი 26 მაისი, როცა ორი მიცვალებული სახურავზე იყო შემოდებული. ის რაც გუშინ ჩატარდა, ყველა წინა ღონისძიებას აღემატებოდა, რადგან იყო შინაარსიანი, ტევადი, კონკრეტული გზავნილით. ეს იმას ნიშნავს, რომ ქვეყანას აქვს ჩამოყალიბებული სახე. ერთ კონტექსტში, ერთიანობაში იყო ჯარი, ხალხი, ხელისუფლება. მესიჯი იყო ის, რომ ვართ მშვიდობისმოყვარე ქვეყანა, ორიენტირებული თავდაცვაზე და არა ომსა და თავდასხმაზე. წინა წლებში გამართულ აღლუმებზე იარაღის ჟღარუნი პაროდიის სახესაც კი იღებდა ხოლმე", - განაცხადა ნუკრი ქანთარიამ.
მისივე შეფასებით, მნიშნვნელოვანი იყო ღონისძიებაში ქართველ ჯარიკაცებთან ერთად, ამერიკელი ჯარისკაცების მონაწილეობა.
გარდა ამისა, ქანთარიამ ისიც აღნიშნა, რომ კარგ ტრადიციას ჩაეყარა საფუძველი, როცა 26 მაისს სამინისტროები პავილიონებში მოწყობილი გამოფენებით მოსახლეობას ანგარიშს აბარებენ.
v-if="article.gallery" v-html="article.gallery"
