ბათუმში თამარ გვერდწითელის კონცერტი გაიმართა
ბათუმში თამარ გვერდწითელის საერთაშორისო მუსიკალური ფესტივალი "მუსიკა საზღვრებს გარეშე" გაიმართა. პიაცაზე შეკრებილ მსმენელს მომღერალმა, მეგობრებთან ერთად, ევროპული რეპერტუარი წარუდგენა. კონცერტში მონაწილეობა მიიღეს: ტენორმა ალესანდრო საფინამ, იტალიელმა აკორდეონისტმა მარიო სტეფანო პიეტროდარჩიმ, ანსამბლმა "შვიდკაცამ", ნოდიკო ტატიშვილმა, გიორგი სუხიტაშვილმა და ასევე, კონცერტს აკომპანიმენტს უწევდა სიმფონიური ორკესტრი და ბენდი.
როგორც თამარ გვერდწითელმა ჟურნალისტებს განუცხადა, წვიმის მიუხედავად ერთგული მაყურებელი კონცერტს ბოლომდე დაესწრო:
"ძალიან დიდი ემოცია და მუსიკალური აღტაცება იყო. მადლობა მაყურებელს, ბოლო სიმღერის მერვე ტაქტზე წამოვიდა წვიმა, მაგრამ ერთგულმა მაყურებელმა არ დატოვა დარბაზი და ბოლომდე ჩვენთან იყო. ძალიან გახარებულები ვართ, რომ ეს მუსიკა აჟღერდა და განხორციელდა", - აღნიშნა თამარ გვერდწითელმა.
პირველი კონცერტი მომღერალმა ბათუმის ხელოვნების ცენტრში გამართა და მსმენელსს სხვადასხვა დროის ცნობილი ქართული ჰიტები შესთავაზა
v-if="article.gallery" v-html="article.gallery"
