იენს სტოლტენბერგი - ნატო-საქართველოს ერთობლივი წვრთნისა და შეფასების ცენტრი არავის წინააღმდეგ არ არის მიმართული

ნატო-ს გენერალური მდივნის, იენს სტოლტენბერგის განცხადებით, ნატო-საქართველოს ერთობლივი წვრთნისა და შეფასების ცენტრი არავის წინააღმდეგ არ არის მიმართული.

ამის შესახებ სტოლტენბერგმა გუშინ, საქართველოს პრეზიდენტ გიორგი მარგველაშვილთან შეხვედრის შემდეგ გამართულ ერთობლივ პრესკონფერენციაზე განაცხადა და აღნიშნა, რომ ცენტრის გახსნა მნიშვნელოვანი წინგადადგმული ნაბიჯია.

"ეს არ არის მიმართული არავის წინააღმდეგ, პირიქით, ეს ცენტრი იქმნება, რათა კიდევ უფრო გაღრმავდეს რეგიონული და საერთაშორისო უსაფრთხოება. ეს არის ჩვენი საერთო გზა. ჩვენ ყველაფერს ვახორციელებთ წინასწარ გაწერილი გეგმის თანახმად. ჩვენ ვეხმარებით საქართველოს ნატო-ს წევრობისთვის მომზადებაში. რა თქმა უნდა, ჯერ კიდევ ბევრი რამ უნდა გაკეთდეს, მაგრამ საქართველომ ძალიან მნიშვნელოვანი პროგრესი განიცადა. ნატო გააგრძელებს საქართველოს მხარდაჭერას", - განაცხადა სტოლტენბერგმა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 21.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით