ომბუდსმენი ელჩებს მართლმსაჯულების სფეროში მიმდინარე პროცესებზე მიაწვდის ინფორმაციას

სახალხო დამცველი უჩა ნანუაშვილი ამბასადორიალის ფარგლებში ელჩებს ძირითადად მართლმსაჯულების სფეროში მიმდინარე პროცესებზე მიაწვდის განახლებულ ინფორმაციას.

როგორც ნანუაშვილმა ჟურნალისტებს განუცხადა, მათ საუბარი ექნებათ ძირითად ტენდენციებზე, რომელიც ადამიანის უფლებათა სფეროში არსებობს და ეს შეეხება, როგორც გარკვეულ პროგრესს, ისე გამოწვევებსა და პრობლემებს თუნდაც სამართალდამცველი ორგანოების მუშაობასთან მიმართებაში.

"მე ყურადღებას ისევ გავამახვილებ დამოუკიდებელი საგამოძიებო მექანიზმის შექმნის აუცილებლობაზე, ისევე როგორც მართლმსაჯულების სფეროში მიმდინარე პროცესებზე. ასევე ვისაუბრებ დისკრიმინაციის წინააღმდეგ ბრძოლაზე, შრომის ინსპექციის შექმნასთან დაკავშირებულ პრობლემებზე, ეს იყო და რჩება გამოწვევად. საუბარი ასევე შეეხება საჯარო სექტორში მომხდარ გათავისუფლებებს და ოკუპირებულ ტერიტორიებზე ადამიანის უფლებათა დარღვევის ფაქტებს", - განაცხადა უჩა ნანუაშვილმა.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს