საფრანგეთში საქართველოს ევროკავშირთან ასოცირების შეთანხმების რატიფიცირება სექტემბერში უნდა დასრულდეს

საფრანგეთში საქართველოს ელჩის, ეკა სირაძე-დელონის განცხადებით, საფრანგეთში საქართველოს ევროკავშირთან ასოცირების შეთანხმების რატიფიცირება მიმდინარე წლის სექტემბერში უნდა დასრულდეს. როგორც ელჩმა ჟურნალისტებს განუცხადა, ეს პროცესი საფრანგეთში გაჭიანურებული არ არის.

"რატიფიცირების პროცესის გაწელვა არ მომხდარა, უბრალოდ, საფრანგეთი დიდი ქვეყანაა და ძალიან ბევრი რამ აქვს გასაკეთებელი. შესაბამისად, მათი პროცედურული საკითხები საკმაოდ დიდ დროს იკავებს. პროცესი ფაქტობრივად დასრულებულია და დარჩენილია ბოლო ეტაპი, რაც არის სენატში კენჭისყრა და ამის შემდეგ დასრულდება. ველოდებით, რომ სექტემბერში იქნება კენჭისყრა და საბოლოოდ დასრულდება. პოლიტიკური გადაწყვეტილება არსებობს და საფრთხე, რომ კენჭი არ ეყაროს საქართველოს ევროკავშირთან ასოცირების ხელშეკრულების რატიფიცირებას, არ არის", - განაცხადა ეკა სირაძე-დელონემ.

თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
ქართული პრესის მიმოხილვა 25.01.2020
ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
„რადისონ ქოლექშენ, წინანდლის მამულის" ზამთრის შეთავაზება