ოთარ დანელიამ ელჩებს ექსპორტის პოტენციალის მქონე 21 პროდუქტის სია წარუდგინა

სოფლის მეურნეობის მინისტრმა ოთარ დანელიამ ამბასადორიალის ფარგლებში ელჩებს ექსპორტის პოტენციალის მქონე 21 პრიორიტეტული პროდუქტის სია წარუდგინა.

როგორც დანელიამ ჟურნალისტებსა განუცხადა, სოფლის მეურნეობის სამინისტროს მომზადებული აქვს მთელი რიგი მიმართულებებისა, რომელიც პრიორიტეტულია ქვეყნისთვის. შესაბამისად, საჭიროა საელჩოების ხელშეწყობა, ელჩების უშუალო ჩართულობა ამ მიმართულებით.

"ჩვენ ექსპორტის პოტენციალის მატარებელი 21 პრიორიტეტული პროდუქტის სია დავარიგეთ და მნიშვნელოვანია, რომ ამ მიმართულებით უკვე კონკრეტული პოლიტიკა დავიწყოთ. მოგეხსენებათ, ჩვენთვის საექსპორტო ბაზრის დივერსიფიკაცია უმნიშვნელოვანესი პრიორიტეტია და ამაში ელჩების ხელშეწყობა ძალიან დიდია და ეს ხელშეწყობა კიდევ გაგრძელდება", - განაცხადა დანელიამ.

რაც შეეხება კონკრეტულ პროდუქტებს, რომელთა გატანას სოფლის მეურნეობის სამინისტრო ევროპულ ბაზარზე ვარაუდობს, მათ შორისაა თხილი, ქართული ღვინო და ასევე ის პროდუქტები, რომლებიც ამ დრომდე არ მოხვედრილა ევროპულ ბაზარზე, მაგალითად თაფლი, ჩაი და სხვა.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს