კახა იმნაძე - რუსეთის მხრიდან გაეროს უშიშროების საბჭოს თავმჯდომარეობა მხოლოდ პროცედურული საკითხია

გაერო-ში საქართველოს მუდმივი წარმომადგენლის, კახა იმნაძის შეფასებით, ის ფაქტი, რომ რუსეთი გაერო-ს უშიშროების საბჭოს თავმჯდომარე გახდა, აბსოლუტურად არაფერს ნიშნავს.

როგორც იმნაძემ ჟურნალისტებს განუცხადა, ამ საკითხს მედიაში ძალიან დიდი გაშუქება ჰქონდა, თუმცა ეს არის მხოლოდ პროცედურული საკითხი.

"უშიშროების საბჭოს ყოველთვიურად ჰყავს ერთი თავმჯდომარე ქვეყანა, ანუ გამოდის 15 თვეში ერთხელ უშიშროების საბჭოს წევრ ყველა ქვეყანას უწევს თავმჯდომარეობა, რაც არის კოორდინატორის ფუნქციის შესრულება. უფრო მეტსაც გეტყვით, რუსეთი არის უშიშროების საბჭოს თავმჯდომარე სექტემბრის განმავლობაში, აგვისტოში კი იგი იყო აღმოსავლეთ ევროპის ჯგუფის კოორდინატორი, რომელშიც საქართველოც შედის და ყველა კომუნიკაცია ჯგუფში რუსეთის მიერ ვრცელდებოდა. მანამდე აღნიშნული ჯგუფის კოორდინატორი საქართველოც იყო", - განაცხადა კახა იმნაძემ და დასძინა, რომ ეს მხოლოდ და მხოლოდ რიგითი პროცედურული თემაა და სხვა არაფერი.

ანდრო გოცირიძე - საქართველო დღეს ბევრად უფრო დაუცველია, ვიდრე, მაგალითად, ათი წლის წინ იყო
ქართული პრესის მიმოხილვა 10.02.2025
პეტრას აუსტრევიჩუსი - გზა, რომელსაც „ქართული ოცნება“ ადგას, აბსოლუტურად რუსული, აღმოსავლური გზაა
„ბიბლუსში“ თიბისის ხანგრძლივი ქეშბექ კამპანია დაიწყო - 20%-იანი ქეშბექი თიბისის მოსწავლის ბარათის ან ახალი თიბისი ბარათის მქონე სტუდენტებისთვის „ბიბლუსის“ სრულ ასორტიმენტზე
ევროპის ოლიმპიური კომიტეტების პრეზიდენტი თბილისის საერთაშორისო სტანდარტების ყინულის არენაზე, "ბაკურიანი 2025"-ის ფარგლებში მიმდინარე შეჯიბრებას დაესწრო