პაატა ზაქარეიშვილი "ამბასადორიალი 2015"-ზე სიტყვით წარსდგა

შერიგებისა და სამოქალაქო თანასწორობის საკითხებში სახელმწიფო მინისტრმა თბილისში მიმდინარე "ამბასადორიალი 2015"-ზე გამოსვლისას ყურადღება გაამახვილა კონფლიქტების მოგვარების მიმართულებით არსებულ გამოწვევებსა და ახალ ფაქტორებზე.

როგორც "ინტერპრესნიუსს" შერიგებისა და სამოქალაქო თანასწორობის საკითხებში სახელმწიფო მინისტრის აპარატიდან აცნობეს, პაატა ზაქარეიშვილმა მიმოიხილა ოკუპირებულ ტერიტორიებზე საოკუპაციო რეჟიმის მიერ განხორციელებული ქმედებები, მათ შორის ბანერებისა და მავთულხლართების განთავსება, ამ ქმედებების სავარაუდო მიზანი და საქართველოს ხელისუფლების საპასუხო ნაბიჯები.

"დღემდე ვახერხებთ პროვოკაციების ლოკალიზაციას, უფრო მასშტაბური შესაძლო დესტაბილიზაციის აღკვეთას და კონფლიქტის ესკალაციის თავიდან აცილებას", - განაცხადა პაატა ზაქარეიშვილმა.

მინისტრმა ასევე, დეტალურად ისაუბრა გამყოფი ხაზების მიმდებარედ მცხოვრები მოსახლეობის საჭიროებებზე სახელმწიფოს მხრიდან რეაგირებაზე და განხორციელებულ პროგრამებზე.

სახელმწიფო მინისტრმა ელჩებს აფხაზურ და ოსურ საზოგადოებებში არსებულ განწყობებსა და ორმხრივი შეხვედრების ინიციატივებზეც მიაწოდა ინფორმაცია. მან ასევე, ისაუბრა კონფლიქტების მოგვარების პროცესში ევროკავშირთან ასოცირების შეთანხმებისა და დღის წესრიგის, ვიზალიბერალიზაციის გამოყენების საჭიროებაზე და აფხაზეთისა და სამხრეთ ოსეთში მცხოვრებთათვის მოსალოდნელი სარგებელის ხელმისაწვდომობაზე.

"მნიშვნელოვანია, რომ საერთშორისო პარტნიორებთან მუშაობა ამ საკითხებზე მუდმივად ინფორმაციის მიწოდების, მათი ყურადღების და სასურველია ფინანსების ან სხვა ტიპის ჩართულობის მობილიზაციისთვის, ცხადია, არაღიარების ხაზის მკვეთრი ხაზის პარალელურად", - განაცხადა სახელმწიფო მინისტრმა.

ანდრო გოცირიძე - საქართველო დღეს ბევრად უფრო დაუცველია, ვიდრე, მაგალითად, ათი წლის წინ იყო
ქართული პრესის მიმოხილვა 10.02.2025
პეტრას აუსტრევიჩუსი - გზა, რომელსაც „ქართული ოცნება“ ადგას, აბსოლუტურად რუსული, აღმოსავლური გზაა
„ბიბლუსში“ თიბისის ხანგრძლივი ქეშბექ კამპანია დაიწყო - 20%-იანი ქეშბექი თიბისის მოსწავლის ბარათის ან ახალი თიბისი ბარათის მქონე სტუდენტებისთვის „ბიბლუსის“ სრულ ასორტიმენტზე
ევროპის ოლიმპიური კომიტეტების პრეზიდენტი თბილისის საერთაშორისო სტანდარტების ყინულის არენაზე, "ბაკურიანი 2025"-ის ფარგლებში მიმდინარე შეჯიბრებას დაესწრო