საგარეჯოში დავით სერგეენკოსა და თამარ ხიდაშელის სამედიცინო საზოგადოებასთან შეხვედრის დროს ინციდენტი მოხდა

საგარეჯოში, ჯანდაცვის მინისტრ დავით სერგეენკოსა და "ქართული ოცნების" მაჟორიტარობის კანდიდატ თამარ ხიდაშელის სამედიცინო საზოგადოებასთან შეხვედრის დროს ინციდენტი მოხდა.

შეხვედრაზე ამავე რაიონის მაჟორიტარობის კიდევ ერთი კანდიდატი, "პატრიოტთა ალიანსის" ლიდერი ირმა ინაშვილი მივიდა და განაცხადა, რომ მასაც აქვს უფლება შეხვდეს ამომრჩეველს ჯანდაცვის მინისტრთან ერთად.

"დავით სერგეენკო საქართველოს ჯანდაცვის მინისტრია, ჩემი ჯანდაცვის მინისტრია, ჩემი შვილების ჯანდაცვის მინისტრია და ჩემი ამომრჩევლის ჯანდაცვის მინისტრია... იმისთვის არ გვიბრძოლია 2012 წლის ოქტომბერში, რომ ის ხდებოდეს, რაც ხდება დღეს", – განაცხადა შეხვედრაზე მისულმა ირმა ინაშვილმა.

რაც შეეხება ზოგადად შეხვედრას, დავით სერგეენკომ ადგილობრივ სამედიცინო საზოგადოებას "ქართული ოცნების" მაჟორიტარი დეპუტატობის კანდიდატი თამარ ხიდაშელი წარუდგინა. ასევე ექიმებისგან რაიონში სამედიცინო კუთხით არსებული პრობლემები მოისმინა, თავად კი მათ მიმდინარე და დაგეგმილი პროექტები გააცნო.

"მე დღეს შეხვედრა მქონდა სამედიცინო საზოგადოებასთან. გავცვალეთ მოსაზრებები - მათგან მოვისმინე ადგილობრივი პრობლემები, ასევე ვისაუბრეთ მიმდინარე პროექტებზე. ეს იყო ჩვენი შეხვედრის ძირითადი ფორმატი", - განუცხადა ჟურნალისტებს დავით სერგეენკომ.

ინფორმაციას საგარეჯოში, სამედიცინო საზოგადოებასთან გამართული შეხვედრისა და მომხდარი ინციდენტის შესახებ საზოგადოებრივი მაუწყებელი ავრცელებს.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 21.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)