გიორგი გვიმრაძე აცხადებს, რომ სომხეთში გამართულ შეხვედრაში მისი მოხსენება ევროპულ არჩევანის უალტერნატივობას ეხებოდა
მე ვმონაწილეობდი სომხეთში გამართულ ღონისძიებებში, რომელიც ეძღვნებოდა პოსტსაბჭოთა სივრცეში ინტეგრაციულ პროექტებს და ჩემი მოხსენება ეხებოდა ევროპულ არჩევანის უალტერნატივობას, - ასე უპასუხა "საზოგადოებრივი მაუწყებლის" საინფორმაციო სამსახურის უფროსმა გიორგი გვიმრაძემ მედიაში გავრცელებულ ინფორმაციას, იმის შესახებ, რომ გიორგი გვიმრაძე ევრაზიული არჩევანის ლიდერთან არჩილ ჭყოიძესთან ერთად სომხეთში ევრაზიული კავშირის მიერ ორგანიზებულ კონფერენციას დაესწრო.
გვიმრაძის განმარტებით, ის ბოლო წლების განმავლობაში დაკავებული იყო ანალიტიკური საქმიანობით და მას ხშირად უხდებოდა სხვადასხვა პოზიციის მქონე, ზოგჯერ მისთვის მიუღებელი პოზიციის მქონე ადამიანებთან ურთიერთობა.
"ბოლო წლების განმავლობაში დაკავებული ვიყავი ანალიტიკური საქმიანობის სტრატეგიულ გამოკვლევათა ცენტრში, რაც გულისხმობდა იმას, რომ ვმონაწილეობდი სხვადასხვა ფორმატის ღონისძიებებში და შესაბამისად, ვუერთიერთობდი სხვადასხვა პოზიციის, ზოგჯერ ჩემთვის კატეგორიულად მიუღებელი პოზიციის მქონე ადამიანებთან. ასევე ვმონაწილეობდი სომხეთში გამართულ ღონისძიებებში, რომელიც ეძღვნებოდა პოსტსაბჭოთა სივრცეში ინტეგრაციულ პროექტებს და ჩემი მოხსენება ეხებოდა ევროპული არჩევანის უალტერნატივობას", - განაცხადა გიორგი გვიმრაძემ.
მან რუსეთ-საქართველოს ურთიერთობების შესახებაც ისაუბრა და განაცხადა, რომ რუსეთიდან მომდინარე საფრთხეების ნეიტრალიზება მხოლოდ დიალოგით არის შესაძლებელი.
" რაც შეეხება რუსეთ-საქართველოს ურთიერთობებს, ამ ფორმაციის რუსეთის ფედერაციასთან, მე მგონია, რომ საქართველოს ურთიერთობის მოწესრიგება არის შეუძლებელი. თუმცა ვადასტურებ, რომ ჩართული ვიყავი ახალგაზრდული სამოქალაქო დიალოგის პროცესებში და მგონია, რომ დიალოგი არის შესაძლებლობა იმისა, რომ რუსეთიდან მომდინარე საფრთხეების განეიტრალება მოხერხდეს", - განაცხადა გიორგი გვიმრაძემ.
v-if="article.gallery" v-html="article.gallery"
