ამირან გამყრელიძე - გრიპის ვირუსის ეპიდემიისგან ძალიან შორს ვართ

გასულ კვირასთან შედარებით ამ კვირაში გრიპის ვირუსის შემთხვევების ნახტომისებური, რადიკალური ზრდა არ დაფიქსირებულა, - ამის შესახებ ჟურნალისტებს დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა, ამირან გამყრელიძემ განუცხადა.

მისივე თქმით, მიმდინარე კვირის საბოლოო მონაცემები ცენტრში ორშაბათს, 1-ელ თებერვალს დაჯამდება, თუმცა რა ინფორმაციაც გამყრელიძეს გააჩნია, საავადმყოფოებში ბავშვთა მიმართვიანობა არ გაზრდილა.

"მესამე კვირის მონაცემებით, 100 000 მოსახლეზე 332 შემთხვევა ფიქსირდება, IV კვირის მონაცემები კი, ორშაბათს დაჯამდება. გრიპის ვირუსის ეპიდემიისგან ძალიან შორს ვართ. სასკოლო და სკოლამდელი აღზრდის დაწესებულებებში სასწავლო პროცესის სამი დღით შეჩერება პრევენციის მიზნით ხდება - სასურველია გრიპის ვირუსის გადაცემის ჯაჭვის გასაწყვეტად სკოლაში სწავლა შეწყდეს. მინდა მოსახლეობა დავამშვიდო, საპანიკო სიტუაცია არ არის: იანვარია, წელს ოდნავ მეტია შემთხვევების რაოდენობა გასული წლის ანალოგიურ პერიოდთან შედარებით, მაგრამ ეს არ არის კატასტროფული ზრდა. ჯანდაცვის სისტემა მზად არის ამ გამოწვევას უპასუხოს", - განაცხადა გამყრელიძემ.

მისივე თქმით, გრიპის ვირუსის შემთხვევები თებერვალშიც იქნება, თუმცა ეს არ იქნება შემთხვევების ეპიდემიური მატება.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 26.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა