დავით სერგეენკო - გრიპით ავადობის სიხშირე მცირედითაა გაზრდილი და ეპიდემიურ საშიშროებას არ წარმოადგენს

ჯანდაცვის მინისტრ დავით სერგეენკოს თქმით, გრიპით ავადობის სიხშირე მცირედითაა გაზრდილი და ეპიდემიურ საშიშროებას არ წარმოადგენს.

როგორც სერგეენკომ დღეს მთავრობის სხდომის დასრულების შემდეგ განაცხადა, ბოლო 5-6 დღის განმავლობაში გადადგმულმა ნაბიჯებმა, კერძოდ 24-საათიანი ოჯახის ექიმის ცენტრების გახსნამ, თბილისის სასწრაფო დახმარება 3 000 გამოძახებით განტვირთა, ვინაიდან გაიზარდა ექიმის გასინჯვის მიწვდომადობა და პაციენტები უფრო კვალიფიციურ დახმარებას იღებენ. სერგეენკომ ასევე განმარტა, თუ რატომ ხდება სკოლებსა და ბაღებში სწავლის შეწყვეტა მაინცდამაინც სამი დღით და მაშინ როდესაც დაავადების რიცხვი 20%-ზე მაღალია.

`ამ დაავადების სპეციფიკა არის ისეთი, რომ ყველგან ერთბაშად არ ვრცელდება. სხვადასხვა ქალაქებში, მათ შორის სხვადასხვა ქალაქების სკოლებში აქვს გარკვეული პერიოდი. მაგალითად, როდესაც გაჩნდა მაღალი ავადობა თბილისში, ერთი კვირის შემდეგ მოყვა იგივე ქუთაისში. ამ სიტუაციაში მეცნიერულად დადასტურებული მიდგომაა, რომ ერთდროულ შეწყვეტას, არა თუ აზრი არ აქვს, არამედ შეიძლება ჰქონდეს რისკები. შესაბამისად, საერთაშორისო რეკომენდაციებზე დაყრდნობით ჩვენ წინასწარ გადავდგით ეს ნაბიჯი და იმ სკოლებში და ბაღებში, სადაც 20%-ზე მეტი იყო ავადობა, შევაჩერეთ სწავლა სამი დღით, იმიტომ ეს არის საშუალო ინკუბაციური პერიოდი", - განაცხადა დავით სერგეენკომ.

მისივე ინფორმაციით, ამ დროისთვის გრიპით და მას მოყოლილი გართულებებით გარდაცვლილია 6 ადამიანი, რასაც ჯანდაცვის მინისტრმა ძალიან სამწუხარო ფაქტი უწოდა და აღნიშნა, რომ ექვსივე შემთხვევის უკან დგანან ადამიანები და ოჯახები. მისივე ინფორმაციით, გრიპის ვირუსით საშუალო სიკვდილიანობა ბოლო წლების განმავლობაში 10-12 შემთხვევას შეადგენს.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 21.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)