დავით სერგეენკო - ეპიდემიოლოგების აზრით, მომავალ კვირას გრიპის გავრცელების არეალი იკლებს

საქართველოს შრომის, ჯანმრთელობისა და სოციალური დაცვის მინისტრის, დავით სერგეენკოს განცხადებით, გრიპის გავრცელების ზრდის ტემპი შენელებულია.

დავით სერგეენკომ დღეს გამართულ ბრიფინგზე სხვა თემებთან ერთად, ქვეყანაში არსებულ ეპიდსიტუაციაზეც ისაუბრა და კიდევ ერთხელ აღნიშნა, რომ პანიკის საფუძველი და ეპიდემიის საშიშროება არ არის.

"საბედნიეროდ, დაავადების გავრცელების ზრდის ტემპი შენელებულია. ჩვენი ეპიდემიოლოგების აზრით, მომავალ კვირას, გავრცელების არეალი იკლებს, ანუ დაავადებების პიკს გადავივლით. სამწუხაროდ, სიკვდილიანობა ინერციულად მოყვება დაავადებას", - აღნიშნა დავით სერგეენკომ.

ჯანდაცვის მინისტრმა კიდევ ერთი გარდაცვლილის ოჯახს სამძიმარი გამოუცხადა.

მისივე თქმით, ჯანდაცვის სამინისტროს პოზიცია რაიმეს მიჩქმალვა ან დრამატიზება არ არის. მინისტრის განცხადებით, უწყება საზოგადოებას ღიად აწვდის ინფორმაციას.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 26.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა