გიორგი ებანოიძე გიორგი მიქაუტაძეს თბილისის საქალაქო სასამართლოს თავმჯდომარედ არჩევას ულოცავს
თბილისის საქალაქო სასამართლოს თავმჯდომარეობის ყოფილი კანდიდატი გიორგი ებანოიძე გიორგი მიქაუტაძეს თავმჯდომარედ არჩევას ულოცავს.
როგორც ებანოიძემ ჟურნალისტებს განუცხადა, გიორგი მიქაუტაძე დღეს საბჭომ უმრავლესობით აირჩია.
რაც შეეხება იმას, რომ კენჭისყრაზე საბჭომ მისი კანდიდატურა აღარ დააყენა, როგორც ებანოიძემ განაცხადა, საბჭოს წევრებმა ჩათვალეს, რომ სასამართლოს თავმჯდომარე უკვე არჩეული იყო გიორგი მიქაუტაძის სახით და მათ უარი თქვეს კენჭისყრაში მონაწილეობაზე, რაც მათი უფლებაა.
მისივე თქმით, რაც შეეხება სისხლის სამართლის საქმეთა კოლეგიას, რომლის ხელმძღვანელადაც ებანოიძე დღეს დაინიშნა, პირველ რიგში ის აპირებს სპეციალიზაციის ოპტიმიზაციას.
"სისხლის საქმეთა სამართლის კოლეგიაში უნდა მოხდეს პირველ რიგში სპეციალიზაციის ოპტიმიზაცია, რომ საქმეთა გადანაწილება თვითონ მოსამართლეთა გადმოსახედიდან არ იყოს უსამართლო", - განაცხადა ებანოიძემ.
v-if="article.gallery" v-html="article.gallery"
