ბრიუსელში გასულ კვირას განხორციელებული ტერაქტების შედეგად დაღუპულთა რიცხვი 35-მდე გაიზარდა. ამის შესახებ Independent-ი წერს. გავრცელებული ცნობით, ოთხი ადამიანი ტერაქტის დროს მიყენებული ჭრილობების შედეგად საავადმყოფოში გარდაიცვალა.

"ოთხი პაციენტი გარდაიცვალა საავადმყოფოში. სამედიცინო პერსონალმა ყველაფერი გააკეთა, რაც შეეძლო. მსხვერპლის საერთო რაოდენობაა 35. ვუსამძიმრებთ მათ ოჯახებს", - წერს "ტვიტერში" ბელგიის ჯანდაცვის მინისტრი.

ბრიუსელის აეროპორტსა და მეტროში გასულ კვირას მომხდარი თავდასხმების შედეგად 200-ზე მეტი ადამიანი დაშავდა.