საერთაშორისო რესპუბლიკური ინტიტუტის (IRI) კვლევების ანალიზის ცენტრის მიერ გამოქვეყნებული გამოკითხვების მიხედვით, გამოკითხულთა 89 % მართლმადიდებელი ეკლესიის საქმიანობას დადებითად აფასებს, 6% კი უარყოფითად. შეიარაღებული ძალების მიმართ კეთილგანწყობილია გამოკითხულთა 86%, ქართული მედიის მუშაობის მიმართ კი 74%. ამასთან, საგანმანათლებლო სისტემისა და პოლიციის მუშაობას დადებითად აფასებს გამოკითხულთა 50-50%, ხოლო უარყოფითად 37-37%.

რაც შეეხება პრეზიდენტის და პრემიერის აპარატებს, 46% პრეზიდენტის ოფისის მუშობით კმაყოფილია, 46% კი უკმაყოფილო. ხოლო პრემიერის აპარატის მუშაობის მიმართ კეთილგანწყობილია 43%, ხოლო უარყოფითად აფასებს გამოკითხულთა 45%.