დავით უსუფაშვილმა თურქეთის დიდი ეროვნული მეჯლისის თავმჯდომარეს სამძიმრის წერილი გაუგზავნა

საქართველოს პარლამენტის თავმჯდომარემ, დავით უსუფაშვილმა, თურქეთში განვითარებული მოვლენების გამო, თურქეთის რესპუბლიკის დიდი ეროვნული მეჯლისის თავმჯდომარეს, ისმაილ ქაჰრამანს სამძიმრის წერილი გაუგზავნა.

როგორც ”ინტერპრესნიუსს” საქართველოს პარლამენტიდან აცნობეს, დავით უსუფაშვილმა თურქ კოლეგას პარლამენტის სახელით მიუსამძიმრა და თურქ ხალხს სოლიდარობა გამოუცხადა.

„პატივცემულო კოლეგა, საქართველოს პარლამენტის სახელით, ვუსამძიმრებ და თანაგრძნობას ვუცხადებ თურქეთში განვითარებული მოვლენების შედეგად გარდაცვლილთა და დაშავებულთა ოჯახებსა და ახლობლებს. ვგმობთ ნებისმიერ ძალადობრივ ქმედებას, მიმართულს ქვეყნის კონსტიტუციური წესრიგის წინააღმდეგ. სოლიდარულები ვართ თურქი ხალხის მიმართ და მხარს ვუჭერთ ჩვენი მნიშვნელოვანი პარტნიორის ძალისხმევას დაამკვიდროს მშვიდობა ქვეყნის მასშტაბით და გააძლიეროს დემოკრატიული ინსტიტუტები და კანონის უზენაესობა. თქვენო აღმატებულებავ, ვსარგებლობ შემთხვევით და გამოვხატავ თქვენდამი ჩემს ღრმა პატივისცემას“, - ნათქვამია სამძიმრის წერილში.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს