თურქეთის სამხედრო - საჰაერო ძალების ყოფილმა მეთაურმა, აკინ ოზთურქმა გადატრიალების ორგანიზებაში მონაწილეობა აღიარა. ინფორმაციას ამის შესახებ თურქული მედია ავრცელებს.

ოზთურქისა და კიდევ 100 გენერლის წინააღმდეგ სასამართლო პროცესი უკვე დაიწყო. გადატრიალების მცდელობამდე ის უმაღლესი სამხედრო საბჭოს წევრი იყო.

მასთან ერთად დაკავებულია თითქმის ასი გენერალი.

თურქეთის პრეზიდენტი რეჯეფ თაიფ ერდოღანი მიიჩნევს, რომ გადატრიალების იდეოლოგი აშშ-ში მცხოვრები მუსლიმი მქადაგებელი ფეთჰულა გიულენია.