თურქეთის პრემიერმინისტრის, ბინალი ილდირიმის განცხადებით, სამხედრო ამბოხის უშედეგო მცდელობის შემდეგ, ქვეყნისთვის საშიშროება ჯერ კიდევ არ მოხსნილა. ამის შესახებ „CNNTurk“ იუწყება.

„გადატრიალების მოწყობის რისკი ჯერ კიდევ არსებობს. ვიღაც შეიძლება კვლავ ეძებდეს შესაძლებლობას მორიგი მცდელობისთვის“, - აღნიშნა ილდირიმმა.

მისივე თქმით, ამის მიუხედავად, ქვეყნის მოქალაქეები არ უნდა შეშფოთდნენ.

თურქეთის შინაგან საქმეთა მინისტრის, ეფკან ალას განცხადებით კი, გადატრიალების მცდელობის შემდეგ, ქვეყნის მასშტაბით 11 ათასამდე ადამიანის პასპორტის ანულირება მოხდა. „დღეის მდგომარეობით ჩვენ გავაუქმეთ 10 856 ადამიანის პასპორტი“, - განაცხადა მინისტრმა.