გუშინდელი ავარიული დაშვების შედეგად ~ან-24~ მნიშვნელოვნად არ დაზიანებულა, - განუცხადა ~ინტერპრესნიუსს~ ერთიანი სატრანსპორტო ადმინისტრაციის სამოქალაქო ავიაციის დეპარტამენტის უფროსმა მამუკა ხოჯელანმა.
მისი თქმით, თვითმფრინავზე, რომელიც ~ევროლაინს~ იჯარით სომხური კომპანიისგან აქვს აღებული, მოხდა წინა შასის შეკეცვა. ამის გამომწვევი მიზეზები ჯერ დადგენილი არ არის.
~აღნიშნულ თვითმფრინავს ყველა დოკუმენტი წესრიგში ჰქონდა და მას ფრენის უფლება გააჩნდა~, - აღნიშნა ხოჯელანმა.
ამასთან, ტრანსპორტის მოძრაობის უსაფრთხოების ან ექსპლუატაციის წესის დარღვევის მუხლით, კომპანია ~ევროლაინის~ თვითმფრინავის ავარიულად დაშვებასთან დაკავშირებით შინაგან საქმეთა სამინისტრო წინასწარ გამოძიებას აწარმოებს.
როგორც შსს-ს განცხადებაშია აღნიშნული, მიმდინარე წლის 18 სექტემბერს, 21 საათსა 27 წუთზე თბილისის საერთაშორისო აეროპორტში ავიაკომპანია "ევროლაინის" კუთვნილი ~ან-24~ ტიპის საჰაერო ხომალდის; დაფრენისას, რომელიც ასრულებდა რეისს #MJX002 ბათუმი-თბილისი, ადგილი ჰქონდა საავიაციო შემთხვევას. კერძოდ, საჰაერო ხომალდს დაფრენისას დაუზიანდა წინა შასი(გადატყდა), რასაც შედეგად მოჰყვა ხომალდის წინა ცხვირის ასაფრენ ზოლზე დაცემა.;
შს სამინისტროს ინფორმაციით, ხომალდში იმყოფებოდა მხოლოდ ეკიპაჟის 5 წევრი, რომელთაგან ერთ-ერთმა, ბორტგამცილებელმა ლია მაისურაძემ მიიღო ქვედა კიდურის დაზიანება.
