ანა მიქელაძე - მანდარინისთვის ხელის მოკიდება ან რაიმე ციტრუსთან შეხება არ ტოვებს იმ კვალს, რასაც ტოვებს მარკირება
მანდარინისთვის ხელის მოკიდება ან რაიმე ციტრუსთან შეხება არ ტოვებს იმ კვალს, რასაც ტოვებს მარკირება, - ამის შესახებ ცესკო-ს სპიკერმაანა მიქელაძემ ჟურნალისტებს თემის კომენტირებისას განუცხადა.
„მარკირების აპარატი ისე არის მოწყობილი, რომ შესაბამისი მინათების შედეგად შესაძლებელია დადგინდეს მხოლოდ ის შხეფები, რომელიც მარკირების შედეგად არის განხორციელებული. მანდარინისთვის ხელის მოკიდება ან რაიმე ციტრუსთან შეხება არ ტოვებს იმ კვალს, რასაც ტოვებს მარკირება, თუმცა აღნიშნულს ჩვენ კიდევ ერთხელ გადავამოწმებთ და მოგაწვდით ინფორმაციას“, - აღნიშნა ანა მიქელაძემ.
ცესკო-ს სპიკერს ფრჩხილების ლაქ, ე.წ.შილაკთან დაკავშირებითაც დაუსვეს შეკითხვა. ანა მიქელაძის განმარტებით, როდესაც შილაკი კეთდება, ეს არის ერთგვაროვანი, ხოლო მარკირების სითხის შესხურების შედეგად თითზე განსხვავებული შხეფები ჩნდება.
როგორც ცნობილია, ბათუმის #63-ე უბანზე გამოვლენილი მარკირებაგავლილი პირები, ხელზე შესაბამისი ლაქების მიზეზად მანდარინის ჭამას ასახელებენ.
v-if="article.gallery" v-html="article.gallery"
