რუსთაველის გამზირზე ე.წ. სიყვარულის ხეივანი და ქაჯეთის ციხის იმიტაციაა წარმოდგენილი
რუსთაველის გამზირზე სხვადასხვა სამინისტროებსა და კერძო კომპანიებს გამოყოფილი აქვთ საკუთარი სივრცეები, სადაც მათი სტენდებია განთავსებული. პარლამენტის წინ მოწყობილია გარემოს დაცვის სამინისტროს სივრცე. ამ სივრცის ფარგლებში განთავსებულია უნიკალური ჯიშის ხეები, ე.წ. სიყვარულის ხეივანი.
დღეს აღინიშნება ასევე შოთა რუსთაველის დაბადებიდან 850 წლის იუბილე.
”მე რუსთაველის ქვეყნიდან ვარ” ღონისძიებების ფარგლებში პარლამენტის წინ წარმოდგენილია ”ვეფხისტყაოსნის” ინსპირაცია, კერძოდ, ქაჯეთის ციხის იმიტაცია, თამარის ხიდის ანალოგი, ასევე პარლამენტის შენობაზე გამოფენილია „ვეფხისტყაოსნის“ ილუსტრაციები. ზოგადად დამოუკიდებლობის დღეს ჭარბობს შოთა რუსთაველისა და ”ვეფხისტყაოსნის” სიმბოლიკა.
წარმოდგენილია სხვადასხვა სტენდი, ”ვეფხისტყაოსნიდან” ამოკრეფილი სტროფებითა და ილუსტრაციებით.
ასევე წარმოდგენილია სოფლის მეურნეობის პროდუქცია. მათ შორის მეტროსადგურ „თავისუფლების მოედანთან“ სოფლის მეურნეობის სამინსიტროს სტენდზე სხვადასხვა ხილისგან გაკეთებულია ერთიანი საქართველოს რუკა.
v-if="article.gallery" v-html="article.gallery"
