გია ხუხაშვილი - მაჟორიტარები არიან მიგრაციულ დეპუტატთა კოჰორტა, რომლებიც ერთადერთი მიზნით არიან პარლამენტში - თავისი ინტერესები გაატარონ
მაჟორიტარები არიან მიგრაციულ დეპუტატთა კოჰორტა, რომლებიც შევარდნაძის მთავრობიდან მოყოლებული, ერთადერთი მიზნით არიან პარლამენტში, რომ თავისი ინტერესები გაატარონ, - ამის შესახებ ექსპერტმა გია ხუხაშვილმა ”ინტერპრესნიუსს” განუცხადა.
ხუხაშვილმა ”ქართული ოცნების” გადაწყვეტილება შეაფასა, რომლის თანახმად, მომდევნო საპარლამენტო არჩევნები შერეული საარჩევნო სისტემით ჩატარდება.
ხუხაშვილი მიიჩნევს, რომ მაჟორიტარული სისტემა ”საქართველოში მახინჯ სისტემად” ჩამოყალიბდა.
”ეს არის მიგრაციულ დეპუტატთა კოჰორტა, რომელიც შევარდნაძის მთავრობიდან მოყოლებული, ერთადერთი მიზნით არიან ინტეგრირებული პარლამენტში, რომ თავისი ინტერესები გაატარონ. ისინი არანაირ ფასეულობით სისტემას არ ქადაგებენ, ფაქტობრივად ”აპრავებდნენ” ყველაფერს ნებისმიერი ხელისუფლების დროს. მაგალითად, სააკაშვილის რეჟიმის დროს აპრავებდნენ ყველა განუკითხაობას მისი ხელიდან გაკეთებულს. ეს ადამიანები ახლა გადაბარგდნენ მორიგ პარტიაში - ”ქართულ ოცნებაში”, მაგრამ მე ძალიან დიდი ეჭვი მაქვს, რომ ამ ადამიანების მოთოკვა იყო შეუძლებელი. ”ქართულ ოცნებას” ჰქონდა ამოცანა, რომ მიეღო უპირატესობა არჩევნებზე და ამ უპირატესობის მიღება შეიძლებოდა ორი გზით: ბონუსების მთლიანად წაღებით, ან მაჟორიტარული არჩევნებით, რადგან ნაშთების წაღება არ გამოსდით, დაუბრუნდნენ პირველ ჩვენებას, აპოლიტიკური და სახიფათო კოჰორტის ადამიანების, რომლებსაც ერთადერთი ინტერესი აქვთ დეპუტატის სკამზე ჯდომის, რომ რაღაცნაირად თავისი ადგილი ჰქონდეთ და მზად არიან, ნებისმიერ ხელისუფლებასთან ითანამშრომლონ და მათ ეს არაერთხელ აქვთ დადასტურებული თავიანთი კარიერის მანძილზე”, - განაცხადა ხუხაშვილმა.
v-if="article.gallery" v-html="article.gallery"
