პრობლემები ყოველთვის არსებობდა სასამართლო სისტემაში, დღესაც არის და ხვალაც იარსებებს, მაგრამ აქ მთავარი ამოსავალი წერტილია დამოუკიდებელი ქვეყნის სასამართლოს ისტორიაში ის, რომ დღევანდელ დღეზე კარგი სასამართლო არ ყოფილა არც ერთი პერიოდის განმავლობაში, - ამის შესახებ იუსტიციის უმაღლესი საბჭოს ახლად არჩეულმა წევრმა განაცხადა.

მისივე თქმით, სასამართლო სისტემის კიდევ უფრო მეტად გამჭვირვალობისა და ეფექტურობისთვის იმუშავებს.

"დღეს მეტად გამჭვირვალე, მეტად ღია და ეფექტურია სასამართლო სისტემა. ეს ძალიან დიდი მუშაობის შედეგი იყო წინა საბჭოს მიერ. მაქსიმალურად შევეცდები, რომ ეს პოზიტივები გაგრძელდეს. არ დავზოგავთ დროს და ენერგიას, რომ ეს ყველაფერი შენარჩუნდეს და უფრო მეტად იყოს წარმოჩენილი სასამართლო სისტემა როგორც ღია, გამჭვირვალე და ეფექტური", - განაცხადა ირაკლი შენგელიამ.

დღეს იუსტიციის უმაღლესი საბჭოს 4 მოსამართლე წევრი აირჩიეს. კენჭისყრის შედეგად არჩეული არიან მოსამართლეები: ირაკლი ბონდარენკო, ვასილ მშვენიერაძე, დიმიტრი გვრიტიშვილი და ირაკლი შენგელია.