პაკისტანის პრემიერ-მინისტრი, ნავაზ შარიფი თანამდებობიდან მას შემდეგ გადადგა, რაც ქვეყნის უზენაესმა სასამართლომ ის თანამდებობისთვის შეუფერებლად სცნო. შარიფი კორუფციაშია ეჭვმიტანილი.
დღეს, პაკისტანის უზენაესმა სასამართლომ ერთსულოვნად მიიღო გადაწყვეტილება ქვეყნის პრემიერ-მინისტრის თანამდებობიდან გადაყენების თაობაზე. სასამართლომ ასევე დაადგინა სისხლის სამართლის საქმე აღიძრას პრემიერ-მინისტრისა და მისი ოჯახის წევრებთან მიმართებაში. სასამართლოს გადაწყვეტილებით, თანამდებობიდან ასევე გათავისუფლებულია ფინანსთა მინისტრი, მუჰამად ისხაქ დარი.
შარიფთან მიმართებაში გამოძიება მას შემდეგ დაიწყო, რაც 2016 წლის აპრილს პანამის დოკუმენტები გამოქვეყნდა. ერთ-ერთი დოკუმენტიდან გაირკვა, რომ შარიფის შვილები საიდუმლოდ ფლობდნენ სამ ოფშორულ კომპანიას.
