დათა ახალაიას საქმეზე დღეს ერთ-ერთი მოწმე დაიკითხა
კუდ-ის ყოფილი ხელმძღვანელის დათა ახალაიას საქმეზე, რომელიც ვამეხ აბულაშვილისა და კახა დაბრუნდაშვილის ეპიზოდს ეხება, მოწმის სახით ვამეხ აბულაშვილის ყოფილი საცოლე ვიკა ხუნგოიანი დაიკითხა.
მოწმემ ის პერიოდი გაიხსენა, როდესაც დათა ახალაია მუდმივად ცდილობდა მის გაცნობას და მასთან ურთიერთობის წამოწყებას. მოწმის განცხადებით, აღნიშნულის შესახებ ვამეხ აბულაშვილმა შეიტყო, რის შემდეგაც მას და დათა ახალაიას უსიამოვნო სატელეფონო საუბარი ჰქონდათ.
ვიკა ხუნგოიანის თქმით, ამის შემდეგ ვამეხ აბულაშვილსა და დათა ახალაიას შორის ფიზიკური დაპირისპირება მოხდა, რომლის შესახებაც თავად აბულაშვილისგან შეიტყო. მისივე თქმით, აბულაშვილი კახა დაბრუნდაშვილთან ერთად 20-მდე პირმა გაიტაცა და სცემა.
როგორც ვიკა ხუნგოიანმა აღნიშნა, ამ ინციდენტის შემდეგ ის და ვამეხ აბულაშვილი ერთმანეთს დაშორდნენ.
v-if="article.gallery" v-html="article.gallery"
