პროფესიული განათლების ყოველწლიური საერთაშორისო კონფერენცია მიმდინარეობს

ათასწლეულის გამოწვევის ფონდის პროექტის „პროფესიული განათლება ეკონომიკის განვითარებისთვის" ფარგლებში, პროფესიული განათლების მეორე ყოველწლიური საერთაშორისო კონფერენცია - „პროფესიები მომავლისთვის” მიმდინარეობს.

კონფერენცია გახსნა და აუდიტორიას სიტყვით მიმიმართა თბილისის ახლად არჩეულმა მერმა კახა კალაძემ.

„განსაკუთრებით აღსანიშნავია პროფესიული განთლების ხარისხის გაძლიერების პროექტი, რომლის ფარგლებში დღეიდან 45 ახალი პროფესიული განათლების პროგრამა იწყება, რომელიც სრულად პასუხობს საქართველოს ეკონომიკის გაძლიერებისთვის საჭირო კვალიფიკაციისა და ცოდნის დეფიციტის შევსების სახელმწიფო სტრატეგიას. მოხარული ვარ, რომ დაინტერესებულ მოქალაქეს ეძლევა შესაძლებლობა, შეიძინოს თანამედროვე, მომავლის უნარები და პროფესიები. თბილისში მალე იწყება მასშტაბური ინფრასტრუქტურული პროექტები, აშენდება საგანმანთლებლო, შემეცნებითი, ახალგაზრდული ცენტრები და თავისუფალი სივრცეები. შესაბამისად ახალგაზრდებისთვის და მათთვის, ვისაც გსურთ, რომ მონაწილეობა მიიღოთ აღნიშნული პროექტების შესრულებაში, პროფესიული განათლების ახალი პროგრამები მნიშვნელოვანია”, - განაცხადა კალაძემ.

კონფერენციის მთავარმა მომხსენებელმა ჯეისონ გრეგორიმ, სართაშორისო საგანმანათლებლო კომპანია Pearson-ის ბიზნესისა და განვითარების დირექტორმა საერთაშირისო კვლევის შედეგები წარადგინა, რომელიც 2030 წლისთვის მოთხოვნად პროფესიებსა და მომავლისთვის საჭირო უნარ–ჩვევებს ეხება.

„კვლევა მომავლის პროფესიებს ეხება და მისი შედეგები ძალიან მნიშვნელოვანია სტუდენტებისთვის და ახალგაზრდებისთვის, რომლებიც მომავალს ახლა გეგმავენ. კვლევამ გამოავლინა მომავლის ტენდენციები, რაც დაეხმარებათ გადაწყვეტილების მიღების პროცესში, რათა სწორად დაგეგმონ მომავალი, დაეუფლონ მოთხოვნად პროფესიებს და მიაღწიონ წარმატებას”, - განაცხადა გრეგორიმ.

კონფერენციაზე მოწვეული 200-ზე მეტი მონაწილე საქართველოდან და მსოფლიოს სხვადასხვა ქვეყნიდან განიხილავს ისეთი პრიორიტეტულ თემებს, როგორიცაა პროფესიული განათლების როლი დასაქმების ხელშეწყობაში, პროფესიული განათლების პოლიტიკა, კერძო სექტორის, დამსაქმებლების მონაწილეობის გაზრდა პროფესიული განათლებისა და ბიზნესის განვითარების ხელშეწყობისთვის და სხვა.

„დღეს ვმართავთ პროფესიულ განათლებაში ძალიან მნიშვნელოვან საერთაშორისო კონფერენციას. 200-ზე მეტი სტუმარი გვყავს სხვადასხვა ქვეყნიდან და ვსაურობთ 2030 წლის შრომის ბაზრის გამოწვევებსა და მოთხოვნად პროფესიებზე“, - განაცხადა ათასწლეულის გამოწვევის ფონდი- საქართველოს აღმასრულებელმა დირექტორმა მაგდა მაღრაძემ.

ღონისძიების გენერალური სპონსორია ინა გუდავაძე–პატარკაციშვილი.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა